20 KWEJI 3, 2015
MAPYA A KONSO
Kubwipi kwa Bantu Midiyo 20 Basa Kutanwa ku Kinkumenkume kya pa Mwaka kya Batumoni
NEW YORK—Mu Dya Butano, mafuku 3 Kweji 4, 2015 kupwa kwa dyuba kupona, Batumoni ba Yehova bakalonga Kivulukilo kya lufu lwa Kidishitu, kinkumenkume kyobamwene bu kya mvubu mpata mu mwaka. Ku kino Kivulukilo kukekala ne mwisambo wa maminite 45 utala bantu bonso unena’mba, “Fwija’ko pa Bikulongēle Kidishitu!” Mu mayenga atwala ku difuku dya kinkumenkume, Batumoni basa kushilula’mo kampanye ntanda yonso ka kwita balondakani, balunda, ne babutule bāye kutanwa’ko.
J. R. Brown, muneni wa Batumoni ba Yehova ku kité kya ntanda yonso mu Brooklyn, New York, unena’mba: “Ku mwaka, Batumoni kubwipi kwa midiyo 8 baityile bantu ku Kivulukilo kya lufu lwa Kidishitu, kadi bantu kubwipi kwa midiyo 20 bakatenwe’ko. Uno mwaka, tukulupile amba kibalwa kisa kukandila’ko.”
Mukokeja Kwita:
J. R. Brown, Bilo Itala Myanda, telefone: +1 718 560 5000
Tala'po Bidi ne Bino:
MYANDA ITUTALA
Kivulukilo kya Lufu lwa Yesu
Mwaka ne mwaka bantu midiyo ne midiyo bebuñanga musunsa umo mwanda wa kuvuluka lufu lwa Yesu. Tukwita wiye umone mwanda waka kino kinkumenkume kikutala ne abe.