Mu mafuku 3 Kweji 5, 2018, Kidye kya mu Kibundi kya Saint Petersburg kikabandaula monka kisambo kya Batumoni ba Yehova kya butyibi bwakwetwe bwa kuyata Betele yabo mu Rusi. Shi Batumoni bapone mu kino Kisambo, nabya Leta ukayata mobo abo kiponka na ponka.

Butyibi bubajinji bwakwete Kidye kya Ntanda kya Sestroretskiy kebukwatañenepo na bukamoni bulombola’mba Mobo a Batumoni i a Watch Tower Bible and Tract Society of Pennsylvania (WTPA), kitango kya kubulwa kwimanina myanda ya busunga kidi mu États-Unis. WTPA ye obapele bino byubakwa kadi wafutyile’byo lupeto mu myaka 17. Inoko mu mafuku 7 Kweji 12, 2017, Kidye kya Ntanda kyapelele amba bino byubakwa kebikidipo bya WTPA. Shi Batumoni ba Yehova bapone mu kino kisambo ne ku bidye bikwabo bya mu Rusi, nabya basa kukatūla buno bukondame ku Kidye kya Byepelo bya Bantu kya mu Bulaya.

Kisambo kisa kushilula na 11:30 mu mafuku 3 Kweji 5, 2018, mu Kidye kya mu Kibundi kya Saint Petersburg, ul. Basseynaya, 6, Saint Petersburg, mu Rusi.