Bisangilu bia tshisumbu bia Bantemu ba Yehowa
Longa malu adi atangila bisangilu bietu. Keba muaba udibi bienzekela pabuipi nenu.
Mmushindu kayi utu bisangilu bietu bienzeka?
Bantemu ba Yehowa batu benza bisangilu misangu ibidi ku lumingu bua kutendelela. (Ebelu 10:24, 25) Bantu bonso badi mua kubuela mu bisangilu ebi, tutu tukonkonona malu adi Bible ulongesha ne mushindu utudi mua kuatumikila.
Mu bitupa bia bungi bia bisangilu bietu, bantu batu bandamunamu, bienze anu bu balongi mu kalasa. Muntu udi wandamuna ku budisuile. Bua kubituadija, tutu tuimba musambu ne tusambila; bua kubijikija tutu tuimba kabidi musambu ne tusambila.
Kabiena bikengela ne: wikale Ntemu wa Yehowa bua wewe kubuela mu bisangilu bietu to. Tutu tubikila muntu yonso bua kulua kudisangisha netu. Udi mua kusomba muaba uudi musue. Kabatu basangishamu makuta to.
Mona bikuabu:
NKONKO ITU BANTU BATAMBA KUELA
Mmunyi mudi bisumbu bia Bantemu ba Yehowa bilongolola?
Mona mutudi tupeta buludiki ne mibelu bia mu Bible ku diambuluisha dia bulongolodi ebu.
