Biro bietu bidi bilombola mudimu wa pa buloba bujima bidi mu États-Unis d’Amérique. Kadi katuena kasumbu kafumine ku tshitendelelu kampanda tshia mu Amérique to, tudi tuamba nanku bua malu aa:

•   Batu benza mudimu ne muaku kasumbu bua kuakula bua bantu badi bakosoloke ne tshitendelelu kampanda. Bantemu ba Yehowa ki mbafumine ku tshitendelelu tshikuabu to. Kadi tudi bamone ne: tudi bapingaje ntendelelu mulelela wa bena Kristo anu muvuaye mu bidimu lukama bia kumpala.

•   Bantemu ba Yehowa badi benza mudimu wabu wa kuyisha mu matunga mapite pa 230. Nansha tuetu basombele muaba kayi, tudi balamate Yehowa Nzambi ne Yezu Kristo kumpala kua bionso, kadi ki mmbulamatadi wa États-Unis anyi mbulamatadi mukuabu wa bantu to.​—Yone 15:19; 17:15, 16.

•   Malongesha etu onso mmangatshila mu Bible, kadi ki mmu mifundu ya bamue bamfumu ba tshitendelelu tshia mu États-Unis to.​—1 Tesalonike 2:13.

•   Yezu Kristo ke mulombodi wetu, kadi ki mmuntu nansha umue to.​—Matayi 23:8-10.