Muntu udi mua kulekela Buntemu anyi?
Eyowa. Muntu udi mua kudipatukila mu bulongolodi buetu mu mishindu ibidi:
Dilomba. Muntu udi mua kuamba anyi kufunda mukanda uleja dipangadika diende dia kubenga kuikala kabidi Ntemu wa Yehowa.
Bienzedi. Muntu udi mua kuenza malu adi mua kuleja ne: kena kabidi mu dîku dia bana betu ba pa buloba bujima to. (1 Petelo 5:9) Tshilejilu, udi mua kubuela mu tshitendelelu kampanda pashishe kuleja dijinga diende dia kushala muena mu tshitendelelu atshi.—1 Yone 2:19.
Kadi muntu yeye mulekele kuyisha anyi kubuela mu bisangilu, buebe wewe mmudipatukile anyi?
Tòo. Didipatukila ndishilangane ne dilua mutekete mu ditabuja. Misangu ya bungi, bua bantu batu bateketa anyi balekela kuenza malu a ntendelelu bua tshikondo kampanda, katuena mua kuamba ne: mbalekele ditabuja diabu to, kadi mbatekete mu mikolo. Pamutu pa kubepuka, tudi tudienzeja bua kubasamba ne kubakuatshisha. (1 Tesalonike 5:14; Yuda 22) Biobi bikengela kuambuluisha muntu wa nunku, bakulu bikale bantunga mulongo bua kumupesha mibelu ya mu Bible.—Galatiya 6:1; 1 Petelo 5:1-3.
Kadi ki mbanyishile bakulu bua kuenzeja muntu anyi kumusumisha bua ashale anu Ntemu wa Yehowa nansha. Mu malu a ntendelelu muntu ne muntu udi udiangatshila dipangadika. (Yoshua 24:15) Tudi batuishibue ne: bantu badi batendelela Nzambi badi ne bua kumutendelela ku budisuile ne muoyo wabu wonso.—Misambu 110:3; Matayi 22:37.
Mona bikuabu:
MUA KUTUADIJA KUYUKILA NE BANTU MU BUAMBI
Bantemu ba Yehowa mbanganyi?
Bantu ba bungi mbasue kumanya ne: Bantemu ba Yehowa mbanganyi? Keba bua kumanya malu a bungi anu kutudi.
NKONKO ITU BANTU BATAMBA KUELA
Bantemu ba Yehowa batu bepuka bantu bakadi balekele buntemu anyi?
Dipata muntu mu tshisumbu ditu dimpe minga misangu, ne didi mua kuambuluisha udibu bipate bua kupeta dijinga dia kupingana mu tshisumbu.
MANDAMUNA A NKONKO YA MALU A MU BIBLE
Bidi ne mushinga bua kuikala mu tshitendelelu kampanda anyi?
Muntu udi mua kutendelela Nzambi nkayende anyi?
MALU ETU
Buela mu bisangilu
Keba bua kumanya muaba utudi tudisangishila ne mushindu ututu tutendelela. Muntu yonso udi mua kubuelamu ne kabena basangamu makuta to.