Broshire idi imanyisha malu etu pa buloba bujima
Bantemu ba Yehowa mbanganyi?
Bantemu ba Yehowa batu benza midimu kayi? Mbalongolola mushindu kayi?
Mikanda idi Bantemu ba Yehowa bapatula
Mikanda idi Bantemu ba Yehowa bapatula pa mabeji anyi ku Enternete idi yambuluisha bantu bua kusemena pabuipi ne Nzambi ne kumvua malongesha a mu Bible bimpe menemene. Mikanda ayi idi yambuluisha kabidi babadi bualu idi mua kuakaja nsombelu wabu.
Mudi Bantemu ba Yehowa basomba ne bantu bakuabu
Bantemu ba Yehowa batu benza muabu muonso bua kuenzela bantu ba miaba idibu malu mimpe padibu babayisha malu a mu Bible, ne babambuluisha ne bintu.
Mudimu wa Bantemu ba Yehowa wa diyisha bantu
Kuyisha bantu lumu luimpe ludi mu Bible ntshitupa tshinene tshia ntendelelu wa Bantemu ba Yehowa. Mmishindu kayi itubu bayisha nayi? Mudimu wabu wa diyisha udi wambuluisha bantu mushindu kayi?
Nsombelu wa mu dîku wa Bantemu ba Yehowa
Bantemu ba Yehowa batu badienzeja bua kutumikila mêyi manene a mu Bible mu mêku abu; kuatumikila kutu kupetesha mulume, mukaji, ne bana mabenesha. Nunku muena mu dîku yonso udi udiumvua mu bukubi ne munangibue. Baledi badi bamona ne: kulongesha bana babu mêyi manene a mu Bible ki mmudimu wa bilele to.
Nkonko itubu batamba kuela Bantemu ba Yehowa
Mandamuna a nkonko 10 itu bantu batamba kuela bua Bantemu ba Yehowa.
Bantemu ba Yehowa ne malu a makanda a mubidi
Bantemu ba Yehowa batu bangata muoyo bu dipa dia mushinga mukole dia kudi Nzambi. Batu bangata muoyo ne mashi bu tshintu tshia tshijila. Batu bakeba ngondapilu mitambe buimpe idiku bua kutabalela mêku abu; batu basanka bua kueleshangana diboko ne baminganga bapiluke bua kupeta ngondapilu mikuabu mimpe menemene idi kayiyi ilomba diedibua dia mashi to.
Bantemu ba Yehowa ne midimu mikuabu idi kayiyi ya busalayi
Kukadi bidimu bia bungi, mikenji ya buloba bujima mmitabe ne: dibenga mudimu wa busalayi bua kondo ka muoyo mbukenji budi nabu muntu yonso. Bantemu ba Yehowa badi ne dianyisha kudi bena mbulamatadi badi balonda mikenji ya buloba bujima ayi; bitabila muntu bua kuenza mudimu mukuabu udi kawuyi wa busalayi udi wambuluisha bantu kabayi bamunyoka to.
Dibenga kubuelakana mu malu a tshididi dia Bantemu ba Yehowa
Mu diumvuangana ne malongesha a mu Bible, Bantemu ba Yehowa kabatu babuelakana mu malu a tshididi to. Mbulamatadi ya bungi idi imona ne: dibenga kubuelakana dia Bantemu mu malu a tshididi didi difila ditalala. Idi itaba ne: Bantemu batu batumikila mikenji ya ditunga didibu, batu banemeka bakokeshi, ne beleshangana nabu diboko.
Kudisangisha kua Bantemu ba Yehowa bua kutendelela
Bantemu ba Yehowa badi bamona ne: kudisangisha kuabu bua kutendelela kudi ne mushinga wa bungi bua ditabuja diabu. Pa tshibidilu batu badisangishila mu nzubu idibu babikila ne: Nzubu ya Bukalenge. Batu balongeshamu malu a mu Bible, muntu yonso udi mua kubuelamu.
Mutu Bantemu ba Yehowa bambuluishangana padiku bipupu
Patu bipupu bienzeka, Bantemu ba Yehowa batu bambuluisha bantu mu lungenyi, mu nyuma, ne batu babapesha bintu ne lukasa. Bakokeshi ba mbulamatadi ne malongolodi atu ambuluishangana padiku bipupu badi bamona ne: Bantemu mbalongolola bimpe.