Mu Mexique, mu provense wa Tamaulipas ne wa Nuevo León

• Tshipepele tshikole tshia mvula tshia Hanna tshiakateketa kushalatshi anu mvula wa tshipupu tshiakadituta lua ku nord ku est kua Mexique mu dia 26/7/2020, kukebeshatshi dipasalala dikole dia mâyi

• Mu provense wa Nuevo León, mêku 14 a bana betu akadianjila kumuangala bua kusungila mioyo yabu

• Mu tshimenga tshia Reynosa tshidi mu provense wa Tamaulipas, bamanyishi 100 bakadianjila kumuangala kushiyabu nzubu yabu

• Nzubu 21 ya mu provense wa Nuevo León ivua minyanguke

• Nzubu 117 ya mu provense wa Tamaulipas ivua minyanguke

• Filiale wa Amérique centrale wakenza komite wa diambuluisha bantu badi bipupu bikuate

• Batangidi ba bijengu ne bakulu ba mu bisumbu ba miaba ivua tshipupu atshi tshienzekele badi balombola midimu yonso idi ikengedibua bua kusukula mu nzubu ivua mâyi mabuele ne kuelamu manga a kushipa nawu tuishi

• Bana betu ba bungi ba mu provense wa Nuevo León bavua bamuangale mbapingane ku nzubu yabu

• Bena mu bisumbu bia mu provense wa Tamaulipas badi bafila bilamba ne biakudia kudi bana betu bavua tshipupu atshi tshikuate mu provense au

Tudi tuela Yehowa tuasakidila wa bungi bua mudi muanetu nansha umue kayi mupetekanangane ne njiwu mu tshipupu atshi. Midimu ya diambuluisha ikavuabu balongoluele bana betu idi ileja ne: Tatuetu wa mu diulu pamue ne bantu bende batu anu “diambuluisha didi dipeteka lukasa bikondo bia dikenga.”​—Misambu 46:1.