Mu dia 20/2/2022, mbapatule Nkudimuinu wa bulongolodi bupiabupia wa Mifundu ya mu tshiena Greke ya buena Kristo mu Kipende mu ndongamu mumana kukuata ku biamu. Muanetu Nicolas Hifinger, muena mu Komite wa filiale wa Congo (Kinshasa) ke uvua mumanyishe dipatuka dia Bible wa ku biamu eu ne bamanyishi batue ku 10 000 kulondabu ndongamu au. Bible wa pa mabeji neyikalaku mu ngondo 4 wa 2022.

Mianda ya Bantemu ba Yehowa mu Kipende yakatuadija mu bidimu bia 1960 pavuabu bapeshe muntu mukuabu udibu babikila ne: Makanda Madinga Henri Tshibumba tshia Nsentedi. Yeye mumane kutshibala, wakatuishibua ne: malu avuamu mmalelela, kutuadijaye kuambila bakuabu bivuaye ulonga abi. Ndekelu wa bionso, yeye kubatijibua kuluaye Ntemu wa Yehowa. Panyima pa matuku, bakenza tshisumbu tshia kumpala tshia mu Kipende ku Kiefu mu 1979.

Nkudimuinu eu neambuluishe bana betu mu didilongela diabu ne mu diyisha lumu luimpe. Tshilejilu, muenetu Hifinger mmumvuije ne: Bible mupiamupia eu “mmujalme ne mmupepele bua kumumvua,” kabidi ne: “mmupingaje dîna dia Yehowa miaba yonso ivuadi mu mifundu ya ntuadijilu.”

Tudi tusambila bua Nkudimuinu wa bulongolodi bupiabupia eu ambuluishe bana betu bua bende ‘bakuama mamuma mu mudimu wonso muimpe ne bavudije dimanya dijalame dia Nzambi.’​—Kolosayi 1:10.