Bua tshinyi bantu kabatshiena badimona ne mushinga?
BUA TSHINYI MBIMPE KUDIMONA NE MUSHINGA?
Bantu badi badimona ne mushinga badi mua kutua ntatu tshiadi ne dikima dionso. Kabatu bapingana tshianyima bipepele to.
-
Makebulula adi aleja ne: bantu badi badimona mu mushindu mubi, batu pamuapa badikebela tunyinganyinga, balua bakabungame ne bapanga mua kudia mu bulongame. Pamuapa badi mua kulua bakanuayi ba maluvu makole ne ba bintu bidi binyungulula mutu.
-
Bantu batu badimona ne mushinga kabatu badifuanyikija ne bakuabu to. Abi bitu bibambuluisha bua kusomba bimpe ne bakuabu ne kushemesha nabu bulunda. Kadi bantu batu kabayi batamba kudimona ne mushinga, batu bakula bibi bua bakuabu. Dîba adi malanda abu nabu adi mua kunyanguka.
-
Padi bantu batu badiangata ne bujitu batuilangana ne malu kampanda, kabatu bapingana tshianyima to. Kabatu balekela malu kampanda abapangisha bua kukumbaja tshipatshila tshiabu to. Kadi bantu batu kabayi batamba kudiangata ne bujitu, batu bavuija malu makese adibu bapangile bua kukumbaja alua malu manene adi mua kubapangisha bua kukumbaja tshipatshila tshiabu. Dîba adi badi mua kupingana tshianyima bipepele.
TSHIUDI MUA KUENZA
Diaku bulunda ne bantu badi mua kukukolesha. Diaku bulunda ne bantu batu banemekangana, badi baditatshisha bua makanda ebe a mubidi, ne badi mua kukukankamija.
Ambuluisha bakuabu. Wewe muikale bimpe ne bakuabu ne ubenzela malu kampanda, uwenzela too ne badi kabayi mua kukuenzelawu pebe, neupete disanka dilelela bua bualu abu. Nansha bantu kabayi bakuanyisha bua malu mimpe audi wenza, newikale anu nadi.
Ambuluisha bana bebe bua bikale badimona ne mushinga. Umue mushindu wa kuenza nanku nkubalekela badijikijila tumalu tudibu natu, pikalabu bakumbana. Abi nebibambuluishe bua kumanya tshia kuenza padibu batuilangana ne ntatu. Nebatuadije kudimona ne mushinga mpindieu too ne pakolabu.
TSHITU BANTEMU BA YEHOWA BENZA
Bisangilu bia Bantemu ba Yehowa ne programe wabu wa dilongeshangana Bible bitu biambuluisha bantu bua kuakaja nsombelu wabu ne bua kuikalabu kabidi badimona ne mushinga.
TSHISANGILU TSHIETU TSHIA KU NDEKELU KUA LUMINGU
Mu tshisangilu tshietu tshia ku ndekelu kua lumingu, batu benzamu muyuki. Mu muyuki amu, tutu tupetamu mibelu idi ituambuluisha bua kuikala kudimona ne mushinga. Bantu bonso batu babuelamu tshianana kabayi bafuta kantu. Tshilejilu, wewe muluamu neumanye . . .
-
bua tshinyi Nzambi udi ukuangata ne mushinga
-
mua kupeta tshipatshila tshilelela mu nsombelu webe
-
mua kudia bulunda bukole budi bushala kashidi ne bakuabu
Neupete kabidi balunda bimpe badi ‘baditatshisha bua umue ne mukuabu.’—1 Kolinto 12:25, 26.
Bua kumanya malu makuabu adi atangila bisangilu bietu, tangila filme wa Tshitu tshienzeka ku Nzubu wa Bukalenge ntshinyi? mu jw.org.
MUTUTU TULONGESHANGANA BIBLE
Tutu tulomba bantu bua kulonga nabu Bible ku diambuluisha dia mukanda wa Shala ne muoyo kashidi! Ndilonga dia tuenda tuyukila. Mu mukanda au mudi mvese ya mushinga, ngelelu wa meji udi umvuika bimpe, nkonko mimpe, filme idi isaka muntu ku tshienzedi, ne bimfuanyi bilenga. Dilonga dia Bible didi diambuluisha bantu bua kudimona ne mushinga ne kuakaja nsombelu wabu.
Bua kumanya mudi kulonga Bible ne Bantemu ba Yehowa mua kukuambuluisha, tangila filme wa Bua tshinyi mbimpe kulonga Bible?
Mona bikuabu:
MALU ETU
Lomba bua balue kukutangila
Tata lukonko lua malu a mu Bible, anyi longa malu a bungi adi atangila Bantemu ba Yehowa.
MALU ETU
Buela mu bisangilu
Keba bua kumanya muaba utudi tudisangishila ne mushindu ututu tutendelela. Muntu yonso udi mua kubuelamu ne kabena basangamu makuta to.
