MUUDI MUA KUIMANYIKA LUKUNA
1 | Kuikadi ne kansungansunga to
Tshidi Bible wamba:
“Nzambi kena ne kansungansunga to, kadi udi witaba muntu wa mu tshisamba tshionso udi umutshina ne udi wenza malu makane.”—BIENZEDI 10:34, 35.
Tshidi mvese eu umvuija:
Yehowa * Nzambi katu utuenzela malu utangila tshisamba tshietu, dikoba dietu, anyi ditunga dietu to. Kadi utu ukeba tshidi ne mushinga menemene, mmumue ne: tshitudi munda muetu. Bible udi kabidi wamba ne: “Muntu wetu eu udi umona tshidi tshimueneka ku mêsu, kadi Yehowa yeye udi umona mu muoyo.”—1 Samuele 16:7.
Mudi mvese eu mua kukuambuluisha:
Nansha mutudi katuyi mua kumona munda mua muntu, tudi mua kudienzeja bua kuidikija Nzambi ne kubenga kuikala ne kansungansunga. Pamutu pa kumona bantu mu tshibungi, mbimpe tudienzeje bua kumona tshidi muntu ne muntu pa nkayende. Wewe mujingulule ne: udi umona bakuabu mu mushindu mubi pamuapa bualu mba dikoba dikuabu anyi ditunga dikuabu, sambila ulomba Nzambi bua akuambuluishe bua kuikadi ubamona nanku to. (Misambu 139:23, 24) Wewe mulombe Yehowa ne muoyo mujima bua akuambuluishe bua kuikadi ne kansungansunga, ikala mutuishibue ne: neateleje dilomba diebe ne neakuambuluishe.—1 Petelo 3:12.
^ tshik. 6 Yehowa ke dîna dia Nzambi.—Misambu 83:18.
“Tshivuaku muanji kusomba mu ditalala ne mutoke to . . . Lelu eu, ndi mu dîku dia bana betu ba pa buloba bujima.”—TITUS
Mona bikuabu:
TSHIBUMBA TSHIA NSENTEDI
Yehowa ‘kena ne kansungansunga to’
Nzambi utu uteleja masambila a batendeledi bende nansha bobu bikale ba dikoba kayi, ditunga kayi anyi muaba kayi onso. Mmushindu kayi utudi bamanye bualu ebu?
TABULUKAYI!
Kansungansunga: Udi pebe naku anyi?
Mmalu kayi adi mua kuleja ne: tudi ne kansungansunga?
