“Bena bupuekele nebapiane buloba”
Bantu ba bungi ba kutudi mbamone mudi malu enzeka ne kansungansunga ne mudi bantu bimpe badi kabayi ne bualu bakengeshibua kudi bantu babi. Nekuluaku tshikondo tshikala kansungansunga ne malu mabi kabiyiku kabidi anyi?
Musambu wa 37 udi ufila diandamuna ne utuleja tshitudi ne bua kuenza lelu. Mona tshidiwu wamba bua nkonko ya mushinga mukole eyi.
Ntshinyi tshitudi mua kuenza padibu batukengesha?—Mvese wa 1, ne 2.
Ntshinyi tshiafikila bantu babi?—Mvese wa 10.
Ntshinyi tshidi bantu badi benza malu mimpe bindile kumpala eku?—Mvese wa 11 ne wa 29.
Ntshinyi tshitudi ne bua kuenza mpindieu?—Mvese wa 34.
Mêyi mafundisha ku bukole bua nyuma muimpe adi mu Musambu wa 37 adi aleja patoke muikala matuku atshilualua a bantu badi ‘batekemena kudi Yehowa, balonda njila wende’ mimpe. Bantemu ba Yehowa badi mua kukuambuluisha ne disanka dionso bua kulonga Bible ne kumanya tshiudi mua kuenza bua wewe ne bantu baudi munange kupeta nsombelu muimpe matuku atshilualua.
Mona bikuabu:
MALU ETU
Bua tshinyi mbimpe kulonga Bible?
Bible utu wandamuna nkonko minene itu bantu miliyo ya bungi pa buloba bujima badiela. Udi musue pebe kupeta mandamuna a yebe nkonko anyi?
TSHIBUMBA TSHIA NSENTEDI
Ntshinyi tshienza Nzambi bua malu mabi?
Lungenyi lua ne: bantu nebikale ne muoyo mu buloba muikala malu mabi kaayi mua kukuata bantu bimpe ludi lukusankisha anyi?
