TSHIBUMBA TSHIA NSENTEDI (TSHIA KULONGA) Ngondo 4 2017
Mu nimero eu mudi biena-bualu bua kulonga kutuadijila mu dia 29/5–2/7/2017.
“Mutshipu uudi muditshipe, uwukumbaje”
Mutshipu ntshinyi? Ntshinyi tshidi Bible wamba bua dienza mitshipu kudi Nzambi?
Ntshinyi tshiabutuka palua Bukalenge bua Nzambi?
Bible udi wamba ne: “buloba budi bupita.” Kadi “buloba” ebu budi bukonga tshinyi?
MALU A MU NSOMBELU
Mudisuike bua kuikala musalayi wa Kristo
Bakela Demetrius Psarras mu buloko bualu uvua mubenge kuambula bingoma. Nansha nanku wakatungunuka ne kutumbisha Nzambi, nansha mu ntatu mikole yakalonda.
“Mulumbuluishi wa buloba buonso” utu anu wenza malu makane
Bua tshinyi tudi tuamba ne: Nzambi katu wenza malu adi kaayi makane? Bua tshinyi bualu ebu budi ne mushinga kudi bena Kristo lelu?
Utuku umona kulumbulula kuakane mutu Yehowa ukumona anyi?
Budipuekeshi ne kuitaba bua kufuilangana luse bidi ne mushinga tuetu basue kumona kulumbulula kuakane mudi Yehowa ukumona. Bua tshinyi?
Lungenyi luebe lua budisuile lutumbishe Yehowa!
Nzambi wa Bukole buonso udi wanyisha bionso bidi batendeledi bende benza ne mushinga bua kutua mpanda mudimu udi wenzeka bua kukumbaja malu adiye mulongolole nansha biobi mua kubalomba malu kayi.
