Tshibilu tshiudi kuyi ne bua kupumbisha

‘Kupa kuonso kuimpe ne dipa dionso diakane tshishiki’ bidi bifumina kudi Nzambi, Tatu wetu wa mu diulu.​—Yakobo 1:17.

DIPA ditambe buimpe didi Nzambi mupeshe bantu bapange bupuangane mmushindu udiye mulongolole bua kubapikula ku mpekatu ne ku dipanga bupuangane ku diambuluisha dia Muanende umuepele mulela, Yezu Kristo. Lufu lua Yezu Mupikudi wetu ke ludi lupesha bantu mushindu wa kupeta muoyo wa tshiendelele mu mparadizu pa buloba. Mu Luka 22:19 badi batuambila bua tuetu kuikala tuvuluka lufu lua Yezu.

Bantemu ba Yehowa badi bakubikila ne disanka bua wewe kudisangisha nabu bua kutumikila dîyi edi. Nebenze mufikilu eu wa lufu lua Yezu mu Dia lumingu dia matuku 8 ngondo muinayi wa tshidimu etshi tshia 2001, kunyima kua dibuela dia dîba. Dituku edi didi dipetangana ne dia 14 dia ngondo wa Nisana bilondeshile kalandriye kavuabu babala naku ngondo mu Bible. Funda dituku edi bua kudipu muoyo to. Ebeja Bantemu ba Yehowa ba muaba uudi musombele bua bakuambile dîba ne muaba wenzekela tshisangilu etshi.