‘Elayi Bantemu ba Yehowa tuasakidila bua budikadidi budi nabu bitendelelu’

BAVUA bafunde mu tshimue tshiena-bualu tshia mu tshikandakanda kampanda ne: “Kumpala kua wewe kukanga tshiibi bua Ntemu wa Yehowa kayikidi nebe, anji ela meji bua makenga menze ne bundu avuabu bapete bidimu biashadi ebi, ne bua mudibu bambuluishe bikole bua Dishintuluka dia Kumpala dia mikenji [ya ditunga dia États-Unis] idi itangila budikadidi butudi tuetu bonso nabu lelu.” (USA Today) Bavua bakengeshe Bantemu ba Yehowa mu États-Unis mu bidimu bia 1940 bua malu a bungi bu mudi dibenga kukukuila anyi kukosela dibendela mpala.​—Ekesode 20:4, 5.

Mu bidimu bitanu patupu (mu 1938 too ne mu 1943), bakalua ne bilumbu bitue ku 30 bivua bitangila Bantemu ba Yehowa ku Kabadi Kakulu ka mu États-Unis. Tshiena-bualu atshi tshivua tshiamba ne: “Misangu ne misangu Bantemu bavua bajula malu manene avua atangila Dishintuluka dia Kumpala dia mikenji idi itangila budikadidi bua bantu, kufikishabi too ne Nzuji Harlan Fiske Stone ku difunda ne: ‘Bidi bikengela kufuta Bantemu ba Yehowa bua diambuluisha didibu bafile bua kujikija bilumbu bia ku tubadi bivua bitangila budikadidi bua bantu.’”

Tshiena-bualu atshi tshivua tshiamba pabuipi ne ku ndekelu kuatshi ne: “Bitendelelu bionso bidi ne bua kuela Bantemu ba Yehowa tuasakidila bua mudibu bambuluishe bua kutangalaja budikadidi bua bitendelelu.”

[Mêyi a dianyisha bua bimfuanyi mu dibeji 32]

Panyima, nzubu: Foto wa Josh Mathes, Collection of the Supreme Court of the United States; ku dia bakaji kuinshi, banzuji: Collection of the Supreme Court of the United States