Tshisangilu tshia ku tshidimu tshia mu dia 6 Kasuamansense 2001

TSHISANGILU TSHIA KU TSHIDIMU tshia bena mu Société Watch Tower Bible and Tract of Pennsylvania netshienzeke mu dia 6 Kasuamansense 2001, mu Nzubu wa Mpuilu wa Bantemu ba Yehowa, ku Boulevard Kennedy nimero 2932, ku Jersey City, mu New Jersey. Tshisangilu tshia kunzulula natshi tshialu netshituadije pa dîba 9 ne minite 15 mu dinda anu bua bena mu Société nkayabu, pashishe nekulonde tshisangilu tshinene tshia ku tshidimu pa dîba 10 mu dinda.

Bena mu Société badi ne bua kumanyisha Biro bia Sekretere kutuadija ku mpindieu bua dishintuluka dionso dia adrese ivuabu nayi tshidimu tshishale, bua se: mabeji atubu bababikila nawu pa tshibidilu ne formilere ya kuuja yabatuminabu bibafikile mu Kashipu.

Formilere yatuminabu bena mu Société pamue ne mabeji a dibabikila nawu mu tshisangilu etshi tshia ku tshidimu badi ne bua kubipingaja ku Biro bia Sekretere wa Société bua bifike kumpala kua 1 Tshimungu. Mbimpe muena mu Société yonso uuje ne apingaje formilere wende ne lukasa luonso, ambe bikalaye mua kubuela anyi kayi mua kubuela mu tshisangilu etshi. Malu afundaye mu formilere yonso ki nga kushintulula kunyima nansha, bualu neambuluishe bua kujadika bungi bua bantu bikalamu.

Tudi batekemene bua se: tshisangilu etshi tshijima, ne tshia dikonkonona konte ne luapolo, nebijike pa dîba 1 mu mapingaja anyi katupa kakese kunyima. Kakuakuikala tshisangilu tshikuabu mu mapingaja to. Bua bukese bua miaba, nebikengele kuanji kuleja dibeji dia dibikila bua muntu kushishaye kubuela. Kabakulongolola bua kutelejila muaba mukuabu ndongamu wa tshisangilu etshi tshia ku tshidimu ku nshinga nansha.