Tshibilu tshia mushinga mutambe bukole menemene

TSHIVUA lufu lua Yezu Kristo. Bua tshinyi luvua ne mushinga mukole nanku? Mbua malu aa:

Lulamatu lua Yezu too ne ku lufu luakajadika ne: muntu udi mua kushala mulamate Nzambi too ne ku lufu.

Lufu lua Yezu luakapetesha bamue mushindu wa kukokesha pamue nende mu diulu. Luakunzuluila kabidi bantu ba bungi njila wa kupeta muoyo wa tshiendelele pa buloba bukudimuna mparadizu.

Butuku bua muladilu wa lufu luende, Yezu wakangata diampa ne mvinyo mukunze kabiyi biela luevene bu bimanyinu bia mulambu wende wa bumuntu mufila ne dinanga dionso. Yezu wakambila bayidi bende ne: “Nuikale nuenza nenku bua kumvuluka.” (Luka 22:19, MMM) Neuvuluke tshibilu tshia mushinga etshi anyi?

Bantemu ba Yehowa badi bakubikila ne muoyo mujima bua kubuela nabu mu Tshivulukilu tshia lufu lua Yezu. Tshidimu etshi, Tshivulukilu tshia lufu lua Yezu netshienzeke mu Dinayi dia matuku 28 ngondo muisatu kunyima kua dibuela dia dîba. Udi mua kubuelamu ku Nzubu wa Bukalenge udi pabuipi nenu. Suaku webeje Bantemu ba Yehowa ba muaba unudi bua dîba dijalame ne muaba menemene wenzekelatshi.