Nkonko ya babadi

Bikala muena Kristo mumvue mêyi kadi kayi umona muntu udi wakula, nanku tudi mua kumba kuamba anu ne: bademon ke badi bamutatshisha anyi?

Too. Nansha mutu bantu bamba mukadi bademon batatshishangane mushindu au, bantu ba bungi batu bumvua mêyi anyi badiumvua mushindu mukuabu mu mubidi wabu mudibu kabayi mua kubiumvuija, bikale bibatatshisha bikole, mbafike ku dijingulula padibu baditetesha se: badi ne disama kampanda mu mubidi.

Nansha mu bidimu lukama bia kumpala, bidi bimueneka ne: nansha pavua bademon batatshisha muntu anyi pavua masama kampanda amukuata, uvua imue misangu udiumvua anu mushindu wa muomumue eu. Mu Matayo 17:14-18, tudi tubalamu bua munga muana wa balume uvua Yezu muondope. Nansha muvua muana eu upaluka tshiseki tshikole, disama diende edi divua dia ku bianza bia bademon. Kadi kumpala kua muanda eu kuenzekawu, pavuabu batuadile Yezu tshisumbu tshia bantu bavua basama bua yeye kubuondopa, munkatshi mua babedi abu muvua bamue ‘bakadi bakuatshike kudi bademon, [kadi] bakuabu bakadi ne tshiseki.’ (Matayo 4:24) Bidi bimueneka se: bamue bena disama dia tshiseki anyi mpalu kabavua bakuatshike kudi bademon nansha. Tshivua tshibatatshisha ndisama dietu dilelela edi.

Batu bamba ne: bamue bantu batu ne disama dia tubazubazu anyi dia mpala (schizophrénie), disama ditubu buondopa mu lupitadi misangu mivule, batu bumvua mêyi anyi badiumvua mushindu mukuabu bifuane kumueneka kudi bantu anu bu bualu bua dikema bukole bua kubumvuija. * Masama makuabu adi kabidi mua kukebela muntu disama dia mpala umunyunguluka didi bamue mua kuangata pabi kabiyi nanku bu dikebesha kudi bademon. Nunku, nansha mudi muntu udi wamba mudiye umvua mêyi anyi umvua bintu bikuabu bidi bimutatshisha kayi pamuapa mua kuitaba bua kumusha lungenyi lua se: bademon ke badi bamutatshisha, mbimpe kumuambuluisha bua adikonkonone bimpe, ateteshe mubidi wende pamuapa ni kudi mua kuikala disama kampanda mu mubidi didi dilela tshidiye umvua atshi.

[Mêyi adi kuinshi]