Udiku mua kumona mu lungenyi malu audi ubala anyi?

WEWE umona mianda mu lungenyi, nebikuambuluishe bua kumanya miaba ivua malu audi ubala menzekele. Angata tshilejilu tshia ngendu ya bu-misionere ya mupostolo Paulo, idibu balonde mu mukanda wa mu Bible wa Bienzedi. Wakatuadija luendu luende lua kumpala lua bu-misionere mu Antiokia, muakabikilabu bua musangu wa kumpala bayidi ba Yezu ne: bena Kristo. Pakumbukayemu wakaya miaba eyi: Samalea, Antiokia wa mu Pisidia, Ikonio, mu Luseta ne mu Dêbe. Udiku mua kumona miaba eyi mu lungenyi anyi?

Pamu’apa mbikole, anu wewe muikale ne karte. Karte aka kadi mu broshire mupiamupia wa mabeji 36 wa ‘Voyez le bon pays.’ Mubadi mukuabu wa mu tshimenga tshia Montana, mu États-Unis, wakakula bua broshire eu ne dianyisha wamba ne: “Ndi mmona ngendu ya Paulo ne mpima kuela meji mushindu uvua ngendu yende eyi ne mudimu wakenzaye yeye ne bena Kristo bakuabu ba mu bidimu lukama bia kumpala mu diyisha lumu luimpe. Tuasakidilayi bua karte buimpe nunku kadi katuambuluisha bua kumona bitudi tulonga.”

Karte ka ngendu ya Paulo kadi anu kamue ka ku tuarte tua bungi tudi mu broshire eu tuikala mua kuambuluisha mubadi bua kumona mu lungenyi malu adi malonda mu Bible. Udi mua kulomba broshire wa ‘Voyez le bon pays’ wewe muuje kabeji kadi kuinshi eku ne mukatume mu adrese udibu baleja muaba eu anyi mu umue wa ku adrese idi mu dibeji 2 dia tshibejibeji etshi.

□ Bu nuenu mua kusua, ndi nnulomba broshire wa ‘Voyez le bon pays.’ Funda muakulu uudi musue

□ Suayi nulue kummona bua kulonga nanyi Bible tshiyi mfuta mfranga.

[Mêyi a dianyisha bua tshimfuanyi mu dibeji 32]

Pictorial Archive (Near Eastern History) Est.