Mutshi wa Bunane ntshilele tshia bena Russie anyi ntshia bena Kristo?

“KU NTUADIJILU kua bidimu bia 1830, batshivua bamona mutshi wa sapen bu ‘tshintu tshimpe tshitambe tshivua tshifumine kudi bena mu Allemagne.’ Ku ndekelu kua bidimu abi, banene ne babanji ba mu Saint-Pétersbourg ‘bakavua ne tshilele’ tshia kulengeja nzubu yabu ne mutshi eu. . . . Anu badiambike ne bantu bashadile ke bavua kabayi bangate tshilele tshia kulengeja nzubu yabu ne mutshi wa sapen mu bidimu bia 1800. . . .

“Kumpala, bantu kabavua batamba kuanyisha mutshi eu to. . . . Bu muvua bena Russie bangata mutshi eu bu tshimanyinu tshia lufu ne tshia ‘ku bajangi,’ ne bu muvuabu ne tshilele tshia kuteka mutshi eu pa mutu pa nzubu ya tshilala benyi, kabivua biumvuangana ne dishintuluka divua dienzeke munkatshi mua bidimu bia 1800 to. . . . Bidi biumvuika ne: bua kuitaba bua kulengeja nzubu ne mutshi mubishi, tshilele tshia ku ba bende etshi tshivua ne bua kuangata diumvuija dimue ne divua bena ku Mputu bapesha mutshi wa Nowele bua tshipetangane ne difesto dia Nowele. . . .

“Kabivua bipepele bua bena Russie kuitababu mutshi eu bu tshimanyinu tshia Buena-Kristo nansha. Bena Ortodokse bakatshibenga. Bakamona tshilele atshi bu ‘tshia bademon,’ bu tshia bampangano tshivua katshiyi mu diumvuangana ne diledibua dia Musungidi ne pashishe tshivua tshilele tshia ku Mputu.”​—Mulongeshi Yelena V. Dushechkina, doktere mu dilonga dia miaku mu Iniversite wa mbulamatadi wa Saint-Pétersbourg.

[Mêyi a dianyisha bua tshimfuanyi mu dibeji 32]

Foto wa Nikolai Rakhmanov