Tudi tukubikila . . .

Nzambi utshidi ne malu onso mu bianza anyi?

DITUKU kaditu dipita katuyi bumvue bakula bua bikumina ne dipasalala dia mâyi, masama makole, dikosa dia mishiku munkatshi mua bakokeshi, tshinyangu, mvita ne malu mabi makuabu a bungi to. Nansha malu aa kaayi manji kukufikila anyi mamane kukufikila, udi mua kuikala udiebeja kutudi batangile, ne udiebeja bikala malu ne bua kulengela dimue dituku.

Bua kumanya tshienzeka, Bantemu ba Yehowa badi mu matunga mapite pa 200 nebumvue muyuki muimpe udi wamba ne: “Nzambi utshidi ne malu onso mu bianza anyi?” Muyuki eu neuleje tshidi Nzambi muambe ne mulaye mu Dîyi diende, ne newandamune nkonko idi ilonda eyi:

Nzambi utu utangila malu a pa buloba anyi?

Mmunyi mutuye umona bantu?

Mmusue bua wikale ne disanka anyi?

Miaba ya bungi, muyuki eu newenzeke mu Dia lumingu dia matuku 30 a ngondo muinayi tshidimu etshi, ku Nzubu wa Bukalenge wa Bantemu ba Yehowa. Ebeja Bantemu ba muaba uudi bua bakuambile dîba dienzeka muyuki eu ne muaba udi Nzubu wabu wa Bukalenge.

Tudi tukubikila bua ulue kuteleja muyuki eu mushindamene pa Bible wikala ne bua kuandamuna lukonko lua ne: Nzambi utshidi ne malu onso mu bianza anyi?