Badi mua kuyisha nzuji anyi?

SLADJANA, Ntemu wa Yehowa wa mu ditunga dia Croatie, uvua ne bua kupita ku tshilumbuluidi bua tshilumbu kampanda tshia makuta. Wakafika nkayende pa dîba kumpala kua nzuji. Muntu uvuabu balumbulula nende wakafika panyima. Sladjana uvua ne dijinga dia kuyisha, nenku pavua bantu bonso bindile apu, wakapeta dikima dia kuyikila ne nzuji.

Wakamuebeja ne: “Mukalenge, udi mumanye ne: mu katupa kîpi emu kakuakuikala kabidi banzuji ne tubadi pa buloba anyi?” Uvua wakula bua banzuji ba lelu.

Nzuji wakakema, kutangila Sladjana ne mêsu tshianana. Anu katantshi aku mutangidi wa kabadi kufikaye, ne dilumbuluisha kutuadija. Pakajikijabu, Sladjana wakajuka bua kutua tshiala pa mukanda kampanda. Nzuji wakinama bua kuebeja Sladjana ku ditshi ne: “Udi mutuishibue ne: mu katupa kîpi emu kakuakuikala kabidi banzuji ne tubadi pa buloba anyi?”

Sladjana kumuandamuna ne: “Ndi mutuishibue menemene, Mukalenge!”

Ke nzuji kumuebeja ne: “Udi ne tshijadiki anyi?”

Sladjana kumuandamuna ne: “Tudi mua kutshipeta mu Bible.”

Nzuji kuambaye ne: uvua musue kubala tshijadiki atshi, kadi kavua ne Bible to. Nenku Sladjana wakamulaya Bible. Bantemu bakaya kumona nzuji eu, kumupeshabu Bible ne kumukankamijabu bua kulonga Bible lumingu luonso. Nzuji wakitaba ne mutantshi mukese panyima yeye kulua Ntemu wa Yehowa.

Musambu 2:10 udi wamba ne: ‘Nunku, nuenu bakalenge, nuikale ne meji; nuyishibue, nuenu bakokeshi [anyi banzuji] ba pa buloba.’ Bidi bitusankisha bikole padi banzuji anyi bakokeshi aba bitaba mibelu mimpe ya Yehowa ne budipuekeshi buonso!

[Tshimfuanyi mu dibeji 32]

Sladjana ne nzuji