Muan’a bakaji muimpe

MUANA mukese wa bakaji wa bidimu 9 wa mu ditunga dia Brésil, uvua mudielele meji bua kuangataye makuta ende avuaye nawu bua kuabanya mu bitupa bibidi, tshitupa tshimue tshivua ne dolare 18 ne tshikuabu dolare 25. Yeye kuela dolare 18 mu kashete ka makuta a tshisumbu ku Nzubu wa Bukalenge. Pashishe kutumaye dolare 25 ku Betele wa Bantemu ba Yehowa ne kubafundilaye mêyi makese mu mukanda. Uvua mufunde ne: “Ndi mufile dipa dianyi edi bua kuyisha mudimu wa buambi kumpala. Dijinga dianyi ndia kuambuluisha bana betu ba balume ne ba bakaji ba bungi bua kuyishabu lumu luimpe pa buloba. Ndi mfila dipa edi bualu ndi musue Yehowa bikole ne mumunange.”

Baledi ba muana mukese wa bakaji eu bavua bamulongeshe mushinga wa kuenzaye tshionso tshidiye mua kuenza bua kuyisha lumu luimpe lua Bukalenge kumpala. Bavua kabidi bamuleje mushinga wa ‘kutumbisha Yehowa ne biuma biende.’ (Nsu. 3:9) Anu bu muana mukese wa bakaji eu, tuenzayi muetu muonso bua kuyisha malu a Bukalenge bua Nzambi kumpala mu ditunga dietu ne pa buloba bujima!