‘Pingana ukankamije bana benu’
PETELO wakadila bikole panyima pa yeye mumane kuvila Yezu. Nansha muvua mupostolo eu mua kuditatshisha bikole bua kupetulula nkatshinkatshi wende mu nyuma, Yezu uvua musue kuenza nende mudimu bua ambuluishe bakuabu. Nunku Yezu wakamuambila ne: “Pawapingana kundi, ukankamike bana benu.” (Luka 22:32, 54-62, MMV) Petelo wakalua dimue dia ku makunji a tshisumbu tshia bena Kristo tshia mu bidimu lukama bia kumpala. (Gal. 2:9) Bia muomumue, muntu uvua mukulu kumpala udi mua kupetulula bujitu ebu ne kupeta disanka bua kukolesha bena Kristo nende mu nyuma.
Bavua bumbushe bamue bantu bavua benza mudimu bu batangidi mu midimu yabu, ne ebi mbibafikishe ku didiumvua bapangile tshintu kampanda. Julio, * uvua muenze mudimu bu mukulu mu Amerike wa ku Sud munkatshi mua bidimu bipite pa 20 wakamba ne: “Kulongolola miyuki, kukumbula bana betu ne kulama bena mu tshisumbu bivua malu amvua ngenza bikole mu nsombelu wanyi. Diakamue ngakajimija bionso ebi, ne ngakashala tshiyi ne tshia kuenza. Etshi tshivua tshikondo tshibi tshitambe.” Lelu, Julio udi kabidi mukulu.
“NUANGATE BUALU EBU BU DISANKA DILELELA”
Muyidi Yakobo wakafunda ne: “Bana betu, panudi nutuilangana ne mateta mashilashilangane, nuangate bualu ebu bu disanka dilelela.” (Yak. 1:2) Yakobo uvua wakula bua mateta adi afumina ku dikengeshibua ne ku dipanga bupuangane dietu. Wakakula bua dijinga dia kudisankisha anu tuetu, kuikala ne kansungasunga ne bikuabu. (Yak. 1:14; 2:1; 4:1, 2, 11) Padi Yehowa utunyoka, bidi mua kutunyingalaja. (Eb. 12:11) Kadi mateta aa kaena ne bua kutujimijila disanka dietu to.
Nansha bobu batumbushe majitu mu tshisumbu, tudi anu ne mushindu wa kukonkonona ditabuja dietu ne kuleja mutudi banange Yehowa. Tudi kabidi mua kuela meji bua tshivua tshitusake bua kuenza mudimu au. Tuvuaku tuwenza anu bua diakalenga dietu Bien. 20:28-30) Bana betu bavua bakulu kale badi batungunuka ne kuenza mudimu wa tshijila ne disanka badi bajadikila bantu bonso, kusangisha ne Satana ne: mbanange Yehowa ne muoyo mujima.
anyi? Peshi tuvua tuipatshila majitu aa bualu tuvua banange Nzambi ne batuishibue ne: tshisumbu ntshiende ne bikengela kutshitabalela? (Pavuabu banyoke mukalenge Davidi bua mibi minene ivuaye muenze, wakitaba dinyoka ne bakamufuila luse. Davidi wakamba ne: ‘Disanka didi kudi muntu udi ne ditomboka diende diumbushibue, ne udi ne bubi buende bubuikidibue! Disanka didi kudi muntu udi Yehowa kayi ubadila dipambuka diende dia ku buakane, ne udi kayi ne lubombo mu mutshima wende!’ (Mus. 32:1, 2) Dinyoka divua dilengeje Davidi ne kakuyi mpata, divua dimuvuije mulami muimpe wa bantu ba Nzambi.
Misangu ya bungi, bana betu batu bapetulula mudimu wa bukulu batu balua balami bimpe ba mikoko kupita kumpala. Mukulu kampanda uvua mu nsombelu wa nunku wakamba ne: “Mpindieu ndi mumanye bimpe mushindu wa kutabalela aba badi benze bualu kampanda bubi.” Mukulu mukuabu wakamba pende ne: “Mpindieu ndi ngangata diakalenga dindi nadi dia kuenzela bana betu mudimu ne mushinga wa bungi.”
UDIKU MUA KUPINGANA KABIDI ANYI?
Mufundi wa Misambu wakamba ne: ‘Yehowa kena utandangana netu tshiendelele.’ (Mus. 103:9) Nunku, katuena ne bua kuela meji ne: Nzambi kena mua kakueyemena kabidi muntu uvua muenze tshilema tshinene to. Ricardo uvua mukulu munkatshi mua bidimu bia bungi ne mulue kujimija majitu ende udi wamba ne: “Bivua bintekeshe bikole menemene bua mumvua mujimije majitu anyi. Munkatshi mua matuku a bungi, lungenyi lua kudiumvua tshiyi mukumbane luakampangisha bua kulua kabidi mukulu bua kuenzela bana betu mudimu. Tshivua kabidi ngela meji ne: bantu bakuabu badi mua kungangata ne mushinga to. Kadi bu muntu munange kuambuluisha bakuabu, mvua ndombola malonga a Bible, nkankamija bana betu ku Nzubu wa Bukalenge ne nyisha nabu. Bualu ebu buakangambuluisha bua kupetulula dieyemena dianyi, ne mpindieu ndi kabidi mukulu.”
Yehowa mmuambuluishe bana betu ba balume bua kupetululabu disanka diabu ne dijinga diabu dia kupetulula kabidi majitu
Kulama tshiji ntanta mule kudi mua kupangisha muanetu wa balume bua kuenza mudimu bu mukulu. Nunku mbimpe tufuane mutendeledi wa Yehowa 1 Sam. 24:4-7; 26:8-12) Pakafua Shaula mu mvita, Davidi wakamudila, kulejaye muvua Shaula ne muanende Yonatana bantu ‘bakane ne banyishibue.’ (2 Sam. 1:21-23) Davidi kavua mumulamine munda to.
Davidi uvua munyeme mukalenge Shaula uvua ne mukawu. Davidi wakabenga bua kudisombuela kudi Shaula nansha muvuaye mupete mpunga ya kuenza nanku. (Wewe mumone ne: mbakumvue bibi peshi bakuenzele malu ne kansungasunga, kulekedi dilaminangana munda dikutshimuna to. Tshilejilu, pavuabu bumbushe muanetu William mu mudimu wa bukulu ukavuaye muenze bidimu bitue ku 30 mu Grande-Bretagne, wakalamina bamue bakulu munda. Ntshinyi tshivua tshiambuluishe William bua kupetulula lungenyi luimpe? Wakamba ne: “Kubala mukanda wa Yobo kuvua kungambuluishe. Bu muvua Yehowa muambuluishe Yobo bua kukeba ditalala ne balunda bende basatu, ke muangambuluishaye panyi bua kukeba ditalala ne bakulu bena Kristo.”—Yobo 42:7-9.
NZAMBI UDI UBENESHA BANTU BADI BENZA TSHIAKABIDI MUDIMU BU BALAMI
Biwikala uvua muangate dipangadika dia kulekela mudimu wa kulama mikoko ya Nzambi, nebikale bimpe wewe mukonkonone tshivua tshikusaka bua kuenza nunku. Mbualu uvua ne malu a bungi avua akutatshisha anyi? Kuvuaku bintu bikuabu bivua bilue ne mushinga wa bungi mu nsombelu webe anyi? Uvua mutekeshibue mu mikolo bua bilema bia bantu bakuabu anyi? Nansha biobi bikale bua bualu kayi, vuluka ne: uvua muambuluishe bakuabu mu mishindu ya bungi pauvua mukulu. Miyuki yebe ivua mibakoleshe, tshilejilu tshiebe tshivua tshibakankamije, ne makumbula ebe a bulami avua mabambuluishe bua kutantamena mateta. Mudimu uuvua wenza bu mukulu wa lulamatu uvua musankishe muoyo wa Yehowa, musankishe ne webe kabidi.—Nsu. 27:11.
Leja muudi munange Yehowa paudi uditua mu dienza dia mudimu wa tshijila ne disanka
Yehowa mmuambuluishe bana betu ba balume bua kupetululabu disanka diabu ne dijinga diabu dia kulombola tshisumbu. Biwikala uvua mulekele mudimu wa bukulu peshi bakumbusha mu mudimu eu, udi kabidi mua ‘kuipatshila mudimu wa butangidi.’ (1 Tim. 3:1) Paulo kavua ‘mulekele kusambila’ bua bena Kristo ba mu Kolosayi kupetabu dimanya dilelela dia disua dia Nzambi ‘bua bende mu mushindu udi muakanangane ne Yehowa bua kumusankisha mu malu onso.’ (Kolos. 1:9, 10) Wewe mupete diakalenga dia kulua kabidi mukulu, lomba Yehowa bua akupeshe kabidi bukole, lutulu ne disanka. Mu matuku a ku nshikidilu aa, bantu ba Nzambi badi dijinga ne diambuluisha dia mu nyuma dia kudi balami badi ne dinanga. Udiku mukumbane ne musue bua kukolesha bena Kristo nebe anyi?
^ tshik. 3 Tudi bashintulule amue mêna.