Yezu “udi umusha bubi bua ba pa buloba”

Yone Mubatiji wakamba ne: Yezu “udi umusha bubi bua ba pa buloba.” (Yone 1:29) Mêyi aa adi aleja mudimu udi nawu Yezu wa kupandisha bantu badi batumikila Nzambi.

Kadi bua tshinyi Yezu uvua ne bua kufua bua kupandisha bena mibi?

Pakitabaye bua kufila muoyo wende, uvua mukumbaje bualu kayi?

Lufu luende ludi luambuluisha banganyi?

Lufu luende ludi mua kukuenzela wewe tshinyi?

Bantemu ba Yehowa batu badisangisha tshidimu tshionso bua kuvuluka lufu lua Yezu mu dituku diakafuaye. Bua tshidimu etshi, dituku adi nedikale mu Dia lumingu, dia matuku 17 a ngondo muinayi eu, pikala dîba dimane kubuela.

Tuetu Bantemu ba Yehowa tudi tukubikila ne disanka dionso bua udisangishe netu bua kumanya tshidi lufu lua Yezu lumvuija menemene. Nebandamune nkonko idi kulu eku ne Mukanda wa Nzambi.

Udi mua kubuela mu muaba wenzelabu udi pabuipi nebe. Suaku webeja Bantemu ba Yehowa ba muaba uudi bua bakuambile dîba ne muaba wenzelabu.