Mandamuna a nkonko ya mu Bible
Kudiku mushindu wa muntu kumvuaye Bible bimpe anyi?
Bible n’Dîyi dia Nzambi. Udi bu mukanda udi mufume kudi tatu udi mutunange. (2 Timote 3:16) Mu Bible, Nzambi udi utuleja mutudi mua kumusankisha, tshidiye mulekeele malu mabi ne tshikalaye mua kuenzela bantu mu matuku atshilualua. Kadi balongeshi ba mu bitendelelu mbakonyangaje malongesha a mu Bible, ke bualu kayi bantu ba bungi badi bela meji ne: kabena mua kumvua Bible bimpe to.—Bienzedi 20:29, 30.
Yehowa Nzambi mmusue bua tumanye bulelela pa bidi bimutangila. Ke bua tshinyi mmutupeshe mukanda utudi mua kumvua bimpe.—Bala 1 Timote 2:3, 4.
Mmunyi muudi mua kumvua Bible bimpe?
Kumbusha ditupesha dia Bible, Yehowa udi kabidi utuambuluisha bua tuetu kumumvua bimpe. Mmututumine Yezu bua kutulongesha. (Luka 4:16-21) Yezu wakambuluisha bayidi bende bua kumvuabu Mifundu minsantu ne uvua iyitela misangu ne misangu.—Bala Luka 24:27, 32, 45.
Yezu wakajadika tshisumbu tshia bena Kristo bua tshitungunuke ne mudimu uvuaye mutuadije. (Matayi 28:19, 20) Lelu Yezu udi ulombola bayidi bende bua kuambuluishabu bantu bua bumvue tshidi Bible ulongesha bua Nzambi. Wewe musue kumvua bimpe Bible, Bantemu ba Yehowa nebakuambuluishe ne disanka dionso.—Bala Bienzedi 8:30, 31.
Mona bikuabu:
TSHIBUMBA TSHIA NSENTEDI
Diambuluisha bua kumvua Bible
Bikala Bible mmukanda udi muntu mua kumvua, bua tshinyi bidi bikengela diambuluisha bua kuwumvua?
MALU ETU
Lomba bua balue kukutangila
Tata lukonko lua malu a mu Bible, anyi longa malu a bungi adi atangila Bantemu ba Yehowa.
MANDAMUNA A NKONKO YA MALU A MU BIBLE
Tshiudi mua kuenza bua wewe kumvua Bible.
Udi mua kufika ku diumvua mukenji wa mushinga udimu.
MALU ETU
Bua tshinyi mbimpe kulonga Bible?
Bible utu wandamuna nkonko minene itu bantu miliyo ya bungi pa buloba bujima badiela. Udi musue pebe kupeta mandamuna a yebe nkonko anyi?
