Mandamuna a nkonko ya malu a mu Bible
Mmunyi mudi bana mua kulonga mua kumanya Nzambi?
Enza mudimu ne bifukibua bua kuambuluisha muanebe bua kumanya Nzambi ne kumunanga
Bana bebe badi mua kulonga mua kunanga Nzambi anu bobu bajingulule ne: Nzambi udiku ne mmubanange. Bua bobu kunanga Nzambi bidi bikengela bamumanye. (1 Yone 4:8) Tshilejilu, bidi bikengela bamanye ne: Pavua Nzambi mufuke muntu uvua ne tshipatshila kayi? Bua tshinyi Nzambi mmulekele makenga? Ntshinyi tshikala Nzambi mua kuenzela bantu mu matuku atshilualua?—Bala Filipoyi 1:9.
Bua kuambuluisha bana bebe bua kunangabu Nzambi, udi ne bua kubaleja muudi wewe muine mumunange. Padibu bamona muudi mumunange, nebalonde tshilejilu tshiebe.—Bala Dutelonome 6:5-7; Nsumuinu 22:6.
Mmunyi muudi mua kulenga mioyo ya bana bebe?
Dîyi dia Nzambi didi ne bukole. (Ebelu 4:12) Nunku ambuluisha bana bebe bua kulongabu malongesha a nshindamenu a mu Dîyi dia Nzambi. Bua kulenga mioyo ya bantu, Yezu uvua wela bantu nkonko, ubateleja ne umvuija mvese. Bua wewe pebe kulenga mioyo ya bana bebe, udi mua kuidikija ndongeshilu wa Yezu.—Bala Luka 24:15-19, 27, 32.
Bualu bukuabu, miyuki ya mu Bible idi ileja muvua Nzambi wenzela bantu malu idi mua kuambuluisha bana bua kumanya Nzambi ne kumunanga. Mikanda idibu bapatule bua tshipatshila etshi idi ku Enternete mu adrese eu www.pr418.com.—Bala 2 Timote 3:16.
Mona bikuabu:
BANA
Ikala mulunda wa Yehowa
Filme ya bazola bimfuanyi, misambu, ne midimu ya kupatula pa mabeji bua kuambuluisha bana bua kulonga malu a mushinga a mua kusankisha Nzambi.
TSHIBUMBA TSHIA NSENTEDI
Mua kulongesha bana malu a Nzambi: Mmishindu kayi mitambe buimpe iudi mua kubalongesha nayi?
MIKANDA & BROSHIRE
