Dutelonome 33:1-29
33 Mpindieu edi ndibenesha divua Mose, muntu wa Nzambi mulelela, mubeneshe nadi bena Isalele kumpala kua lufu luende.+
2 Wakamba ne:
“Yehowa wakalua ufumina ku Sinai,+Ne wakabakenkela kumbukila ku Seî.
Yeye wakakenka mu butumbi kumbukila mu buloba bua mikuna bua Palana,+Uvua ne binunu ne binunu bia bansantu,*+Ku dia balume diende bena mvita bende.+
3 Uvua munange tshisamba tshiende;+Bansantu babu bonso badi mu tshianza tshiebe.+
Bavua basomba ku makasa ebe;+Bakatuadija kuteleja mêyi ebe.+
4 (Mose uvua mututumine dîyi, mutuelele mukenji,+Bu tshintu tshia tshisumbu tshia Yakoba.)+
5 Nzambi wakalua mukalenge mu Yeshuluna,*+Pavua bamfumu ba tshisamba badisangishe kaba kamue,+Pamue ne bisa bionso bia Isalele.+
6 Lubena ikale ne muoyo, kafu to,+Ne bantu balume bende kabakepi to.”+
7 Yeye wakabenesha Yuda ne dibenesha edi:+
“Yehowa, teleja koku dîyi dia Yuda,+Ne umupingajaku kudi tshisamba tshiabu.
Maboko ende mmaluile* tshintu tshiende,Ne umuambuluishaku kumpala kua baluishi bende.”+
8 Yeye wakamba bua Lewi nunku:+
“Tumima webe* ne Ulima webe+ mbia muntu udi mukulamate,+Uuvua mutete ku Masa.+
Wewe wakatuadija kuluangana nende ku mâyi a Meliba,+
9 Muntu uvua muambile tatuende ne mamuende ne: ‘Tshiena nnunemeka to.’
Kavua muitabe nansha bana babu ba balume,+Ne uvua mulengulule bana bende yeye muine.
Bualu bavua batumikile dîyi diebe,Ne bavua balame tshipungidi tshiebe.+
10 Bobu balongeshe Yakoba mapangadika ebe+Ne Isalele Mikenji yebe.+
Balambule musenga wa manananshi bu dipembu didi dikusankisha*+Ne mulambu mujima pa tshioshelu tshiebe.+
11 Yehowa, beneshaku bukole buende,Usankaku bua mudimu wa bianza biende.
Uzaze mikolo* ya bantu badi bamuluisha,Bua bantu badi bamukine kabajuki kabidi to.”
12 Yeye wakamba bua Benyamina nunku:+
“Munangibue wa Yehowa asombe talalaa ku luseke luende;Padiye umulama dituku dijima,Yeye neasombe pankatshi pa makaya ende.”
13 Yeye wakamba bua Jozefe nunku:+
“Yehowa abeneshe buloba buende+
Ne bintu bimpe menemene bia mu diulu,Ne lumuma ne mâyi a mu mishimi idi muinshi,+
14 Ne bintu bimpe menemene bidi dîba dipatula
Ne bintu bimpe menemene bidi bipatuka ngondo yonso,+
15 Ne bintu bitambe buimpe bia ku mikuna ya kale*+Ne bintu bimpe menemene bia ku mikuna mikese idi ishala kashidi,
16 Ne bintu bimpe menemene bia pa buloba ne bionso bidipu,+Ne dianyisha dia Yeye uvua musombele mu kamutshi ka mêba.+
Bilue pa mutu pa Jozefe,Mu lubombo lua mutu wa muntu udibu batapulule ne bana babu.+
17 Butumbi buende budi bu bua muanabute mulume wa ngombe,Ne nsengu yende nnsengu ya ngombe mulume wa tshisuku.
Neasakile nayi* bisambaBionso pamue too ne ku ntengu ya buloba.
Idi binunu makumi bia Efelayima,+Ne idi binunu bia Manashe.”
18 Yeye wakamba bua Zebulona nunku:+
“Wewe Zebulona, usanke mu dipatuka diebe,Ne wewe Yisakâ, mu ntenta yebe.+
19 Nebabikile bukua bantu ku mukuna.
Kuoku aku nebafile milambu ya buakane.
Bualu nebapetele bintu ku bubanji bua bungi bua* mu mbuuNe ku bintu bisokoka* bia mu lusenga.”
20 Yeye wakamba bua Gada nunku:+
“Muntu udi udiundisha mikalu ya Gada abeneshibue.+
Yeye udi ulala bu nyama wa ntambue,Mudiakaje bua kusunsula diboko, eyowa, lubombo lua mutu.
21 Neadisunguile tshitupa tshia kumpala,+Bualu mbalame tshitupa tshia muedi wa mikenji kuntu aku.+
Bamfumu ba tshisamba nebadisangishe pamue.
Neakumbaje buakane bua YehowaNe mapangadika ende bua Isalele.”
22 Yeye wakamba bua Dana nunku:+
“Dana mmuana wa ntambue.+
Neatumpike ufumina ku Bashana.”+
23 Yeye wakamba bua Nafatale nunku:+
“Nafatale udi usanka bua dianyishibuaNe mmuwule ne dibenesha dia Yehowa.
Wewe angata luseke lua ku ouest ne lua ku sud.”
24 Yeye wakamba bua Ashê nunku:+
“Ashê abeneshibue ne bana ba balume.
Bana babu bamuanyishe,Ne atue* makasa ende mu mafuta.
25 Tshiamu tshifiike ne tshiamu tshia mitaku mbikangidi bia biibi bia bimenga biebe,+Ne neusombe talalaa matuku ebe onso.*
26 Kakuena muntu udi bu Nzambi mulelela+ wa Yeshuluna,+Udi wendela mu diulu bua kukuambuluishaNe udi wendela pa matutu mu bunene buende.+
27 Nzambi udi tshinyemenu katshia ku bikondo bia kale,+Maboko ende a tshiendelele adi muinshi muebe.+
Neipate bena lukuna kumpala kuebe,+Ne neambe ne: ‘Ubabutule!’+
28 Isalele neasombe talalaa,Ne mushimi wa Yakoba newikale muaba wa nkayawu,Mu buloba bua ntete ne mvinyo mupiamupia,+Budi diulu diabu dimatshisha lumuma.+
29 Isalele udi wa diakalenga!+
Nnganyi udiku bu wewe,+Tshisamba tshidi tshipetela lupandu mu Yehowa,+Ngabu webe udi ukulama+Ne muele webe wa mvita munene?
Bena lukuna bebe nebadibombe kumpala kuebe bua kukukokela,+Ne wewe newendele pa nyima yabu.”*
Note
^ Anyi “Uvua ne makumi a binunu bia bansantu.”
^ Diumvuija: “Muntu muakane,” muanzu wa bunême bua Isalele.
^ Anyi “muluangane bua.”
^ “Webe” ne “wewe” mu mvese eu bidi bileja Nzambi.
^ Ku mua.: “disankisha diulu diebe.”
^ Anyi “nyima”
^ Anyi pamuapa: “mikuna ya ku est.”
^ Anyi “Neayitue.”
^ Ku mua.: “nebamue bintu bia bungi bia.”
^ Anyi “bintu bia mushinga mukole.”
^ Anyi “oweshe.”
^ Ku mua.: “Ne bukole buebe nebuikale bu matuku ebe.”
^ Anyi pamuapa: “miaba yabu mitumbuke.”
