Hoshea 5:1-15
-
Dilumbuluisha Efelayima ne Yuda (1-15)
5 “Umvuayi bualu ebu, nuenu bakuidi,+Teyayi ntema, nuenu ba mu nzubu wa Isalele,Telejayi, nuenu ba mu nzubu wa mukalenge,Bualu dilumbuluisha didi dinutangila nuenu;Bualu nudi buteyi kudi MisepaNe bukondo buela Tabô.+
2 Bantomboji* mbadiine bikole* mu dishipa,Ne ndi mbadimuija* buonso buabu.
3 Ndi mumanye Efelayima,Ne Isalele ki mmusokome kumpala kuanyi to.
Bualu mpindieu, wewe Efelayima, udi muenze malu a tshiendenda;*Isalele mmudinyange.+
4 Bienzedi biabu kabiena bikumbana bua bobu kupingana kudi Nzambi wabu to,Bualu munkatshi muabu mudi nyuma wa bundumba;*+Ne kabena bitaba Yehowa to.
5 Lutambishi lua Isalele ndumupishe;*+Isalele ne Efelayima mbalenduke mu tshilema tshiabu,Ne Yuda mmulenduke nabu.+
6 Bakaya kukeba Yehowa ne tshisumbu tshiabu tshia mikoko ne tshia ngombe,Kadi kabavua bamupete to.
Yeye uvua mumbuke kudibu.+
7 Mbele Yehowa mâyi ku makasa,+Bualu bobu mbalele bana ba ku babende.
Mpindieu ngondo neabadie* bobu ne bintu biabu.*
8 Elayi lusengu+ mu Gibea, elayi mpungi mu Lama!+
Elayi lubila lua mvita mu Bete-awena,+ panyima pebe, wewe Benyamina!
9 Wewe Efelayima, neulue tshintu tshidi tshikuatshisha buôwa mu dituku dia dinyoka.+
Ndi mumanyishe malu alua kuenzeka bushuwa munkatshi mua bisa bia Isalele.
10 Bakokeshi ba Yuda badi anu bu bantu badi batentemuna mukalu.+
Nembapongoluele tshiji tshianyi tshikole anu bu mâyi.
11 Efelayima mmukengesha ne muzaza kudi dilumbuluisha,Bualu uvua mudisuike bua kulonda muluishi wende.+
12 Nunku meme mvua bu tshishi tshia mbumbu kudi EfelayimaNe bu dibola kudi nzubu wa Yuda.
13 Pakamona Efelayima disama diende, ne pakamona Yuda mputa wende,Efelayima wakaya kudi Ashû,+ kutumaye batuadi ba mukenji kudi mukalenge munene.
Kadi yeye kavua mua kunuondopa,Ne kavua mua kumisha mputa wenu to.
14 Bualu nengikale bu muana wa ntambue kudi Efelayima,Ne bu ntambue wa bukole* kudi nzubu wa Yuda.
Nensunsule ne nenye;+Nenye nabu ne muntu nansha umue kakubasungila to.+
15 Nenye ne nempingane muaba wanyi too ne padibu bambula bipeta bia tshilema tshiabu,Ne pashishe nebakebe bua kuanyishibua kundi.*+
Padibu mu dikenga, nebankebe.”+
Note
^ Anyi “Badi balekela.”
^ Anyi “mbaditue bikole.”
^ Anyi “nembanyoke.”
^ Anyi “muende masandi; muditue mu bundumba.”
^ Anyi “masandi; tshiendenda.”
^ Ku mua.: “ndumutuishe ku mêsu kuende.”
^ Anyi pamuapa: “Mu ngondo mujima nebabadie.”
^ Anyi “madimi abu.”
^ Anyi “muana wa ntambue wa musalala.”
^ Ku mua.: “mpala wanyi.”
