Hoshea 9:1-17
9 “Kusanki, wewe Isalele,+Kuenji malu ne disanka bu bukua bantu.
Bualu, bua bundumba* udi mupambuke kudi Nzambi webe.+
Udi munange mafutu a ndumba pa muaba wonso wa kushipuila ntete.+
2 Kadi muaba wa kushipuila ntete ne tshikaminu tshia mvinyo kabiakubadiisha to,Ne neapangile mvinyo mupiamupia.+
3 Kabakutungunuka ne kusombela mu buloba bua Yehowa to;+Kadi Efelayima neapingane mu Ejipitu,Ne bobu nebadie tshintu tshia bukoya mu Ashû.+
4 Kabakupuongoluela kabidi Yehowa milambu ya mvinyo;+Milambu yabu kayakumusankisha to.+
Badi bu biakudia bia madilu;Bonso badi babidia nebadinyange.
Bualu biakudia biabu bidi buabu bobu nkayabu;*Kabiakubuela mu nzubu wa Yehowa to.
5 Ntshinyi tshinuenza mu dituku dia masangisha,*Mu dituku dia tshibilu tshia Yehowa?
6 Bualu monayi! bobu nebikale ne bua kunyema bua kabutu.+
Ejipitu neabasangishe pamue,+ ne Mempi neabajiike.+
Mpesa neyangate bintu biabu bia mushinga bia arjan,Ne tumitshi tua mêba netuikale mu ntenta yabu.
7 Matuku a dilumbuluisha nealue,+Matuku a kufuta nealue,Ne Isalele neamanye bualu ebu.
Muprofete nealue mutshimbakane, ne muntu muenzeja ku nyuma neapale;Bualu, bubi buebe mbuvule, ne lukuna ludibu bakukuatshile nduvule.”
8 Nsentedi+ wa Efelayima uvua ne Nzambi wanyi.+
Kadi mpindieu, njila yonso ya baprofete bende+ idi bu mateyi a tshilembi tshia nyunyi;Lukuna ludi mu nzubu wa Nzambi wende.
9 Mbadiine mu kabutu, bu mu matuku a Gibea.+
Yeye neavuluke tshilema tshiabu ne neabapeshe dinyoka bua mpekatu yabu.+
10 “Ngakapeta Isalele bu tumuma tua mvinyo mu tshipela.+
Bu tumuma tua kumpala tua mfigi ya ntuadijilu ku mutshi wa mfigi, ngakamona bankambua benu.
Kadi bakaya kudi Bâla wa Peô;+Bakadifila kudi tshintu tshia bundu,*+Ne bakalua bantu ba muendi bua tshintu tshivuabu banange.
11 Butumbi bua Efelayima mbubuuke bu nyunyi;Kakuena dilela dia bana, dikala ne difu dia muana, anyi dimita dia difu to.+
12 Nansha bobu bakoleshe bana,Nembashipelabu too ne padiku kakuyi kushala muntu nansha umue;+Bushuwa, diakabi diabu pandi ngumbuka kudibu!+
13 Efelayima, uvuabu bakune mu mpata wa kudishila nyama, uvua kundi bu Tulo;+Mpindieu Efelayima udi ne bua kupatuka ne bana bende ku dishipibua.”
14 Yehowa wanyi, ubapeshe tshiudi ne bua kubapesha;Difu didi ditula ne mabele mume* pa tshiadi.
15 “Malu mabi abu onso avua mu Gilegala,+ bualu ngakalua kubakinyina muomu amu.
Nembipate mu nzubu wanyi bua bienzedi biabu bibi.+
Tshiakubananga kabidi to;+Bakokeshi babu bonso badi ne mutu mukole.
16 Efelayima neakumibue.+
Muji wabu newume, ne kabakukuama mamuma to.
Nansha bobu balele, nenshipe bana babu bananga.”
17 Nzambi wanyi neababenge,Bualu bobu ki mbamuteleje to,+Ne nebalue banyemakanyi munkatshi mua bisamba.+
Note
^ Anyi “masandi; tshiendenda.”
^ Anyi “bua anyima wabu bobu.”
^ Anyi “difesto dienu disungula.”
^ Anyi “nzambi udi wenza bundu.”
^ Anyi “mafubidile.”
