Misambu 114:1-8
114 Pavua Isalele mupatuke mu Ejipitu,+Nzubu wa Yakoba mupatuke mu bantu bavua bakula muakulu muenyi,
2 Yuda wakalua muaba wende munsantu,*Isalele muaba wende wa bukokeshi.+
3 Mbuu wakamona bualu ebu, wakanyema;+Yadene wakapingana tshianyima.+
4 Mikuna minene yakatumpika bu bimpanga bia mikoko,+Mikuna mikese, bu bana ba mikoko.
5 Ntshinyi tshivua tshikunyemeshe, wewe mbuu?+
Wewe Yadene, bua tshinyi uvua mupingane tshianyima?+
6 Nuenu mikuna minene, bua tshinyi nuvua batumpike bu bimpanga bia mikoko,Nuenu mikuna mikese, bu bana ba mikoko?
7 Wewe buloba, zakala bua Mukalenge,Bua Nzambi wa Yakoba+
8 Udi ukudimuna dibue dilua dijiba dia mâyi didi ne malenge,Dibue dikole dilua mishimi ya mâyi.+
Note
^ Anyi “muaba wende wa tshijila.”
