Misambu 18:1-50
Kudi muludiki. Musambu wa Davidi muena mudimu wa Yehowa wakambila Yehowa mêyi a musambu eu dituku divua Yehowa mumusungile ku tshianza tshia bena lukuna bende bonso ne ku tshianza tshia Shaula. Wakamba ne:+
18 Ndi mukunange, wewe Yehowa, bukole buanyi.+
2 Yehowa mmukuna wanyi wa dibue ne muaba wanyi mukolesha wa kusokomena ne Musungidi wanyi.+
Nzambi wanyi ndibue dianyi+ kundi nyemena,Ngabu wanyi ne lusengu* lua lupandu luanyi,* tshinyemenu tshianyi tshikole.*+
3 Ndi mbila Yehowa udi muakanyine butumbi,Ne nempandishibue kudi bena lukuna banyi.+
4 Mionji ya lufu ivua minjingile;+Dipasalala dia mâyi a bungi dia mu tshintuluntulu dia bantu tshianana divua dinkuatshishe buôwa bukole.+
5 Mionji ya Lukita* ivua minyunguluke;Mateyi a lufu avua mangimanyine kumpala.+
6 Mu dikenga dianyi ngakabila Yehowa,Kudi Nzambi wanyi ngakatungunuka ne kudila ndomba diambuluisha.
Wakatelejila dîyi dianyi mu ntempelo wende,+Muadi wanyi wa kumulomba diambuluisha wakafika mu matshi ende.+
7 Ke buloba kutuadija kunyukuka ne kukanka;+Bishimikidi bia mikuna biakazakalaNe biakatenkakana, bualu bavua bamufiikishe munda.+
8 Muishi wakabanda ufuma mu mimpempe yende,Kapia kadi kashidisha kakapatuka mukana muende;+Makala adi akenka ne kapia akatema afumina kudiye.
9 Wakinamija diulu pavuaye upueka,+Ne mifitu mikole ivua muinshi mua makasa ende.+
10 Uvua mubande pa mukeluba, kuluaye wenda ubuuka.+
Wakapueka panshi lubilu mubande pa mapuapua a tshifukibua tshia mu nyuma.*+
11 Pashishe wakadibuikila mîdima,+Nseke yende yonso bu muaba wa kueyema,Mâyi mafiikuluke ne matutu a mifitu.+
12 Mu bukenke bua kumpala kuendeMuakapatuka mvula wa mabue ne makala a kapia bivua bipande matutu.
13 Pashishe Yehowa wakatuadija kukungula mu diulu;+Mutambe Bunene wakenza bua dîyi diende diumvuike+Ne mabue a mvula ne makala a kapia.
14 Wakela mikete yende, kubatangalajaye;+Wakakupa mipenyi yende, kubabuejaye mu kayumbayumba.+
15 Panshi pa misulu* pakamueneka;+Bishimikidi bia buloba biakedibua patoke bua kutanda kuebe, wewe Yehowa,Bua dipatuka dia mupuya mu mimpempe yebe.+
16 Yeye muulu wakobokela panshi;Wakankuata, kumpatulaye mu mâyi male.+
17 Wakansungila kudi muena lukuna wanyi wa bukole,+Kudi badi bankine, bavua bampite bukole.+
18 Bakanduisha mu dituku dia dikenga dianyi,+Kadi Yehowa uvua mukuatshishi wanyi.
19 Wakampatula kuya nanyi muaba udi kawuyi njiwu;*Wakansungila bualu uvua usanka bua bualu buanyi.+
20 Yehowa udi umfuta bilondeshile buakane buanyi;+Udi umfuta bilondeshile bianza bianyi bidi kabiyi ne bualu.*+
21 Bualu ndi mulame njila ya Yehowa,Tshiena mulekele Nzambi wanyi mu bubi to.
22 Mêyi ende onso a dilumbuluisha adi kumpala kuanyi;Tshiakulengulula mêyi ende mafunda.
23 Nenshale tshiyi ne kalema kumpala kuende,+Nendilame bua tshienji tshilema.+
24 Yehowa amfute bilondeshile buakane buanyi,+Bilondeshile bianza bianyi bidi kabiyi ne bualu kumpala kuende.+
25 Muntu udi ne lulamatu, wewe udi umuenzela malu ne lulamatu;+Muntu udi kayi ne kalema, wewe udi umuenzela malu kakuyi kalema;+
26 Kudi muntu udi mukezuke, wewe udi udileja mukezuke,+Kadi kudi muntu udi ne malu makonyangale, wewe udi udileja mudimuke.+
27 Bualu wewe udi upandisha badi bapuekele,*+Kadi udi upuekesha badi badibandisha.*+
28 Bualu wewe ke udi utemesha muendu wanyi, Yehowa wanyi;Nzambi wanyi udi utokesha mîdima yanyi.+
29 Ku diambuluisha diebe ndi mua kudiela mudi tshisumbu tshia benzavi;+Ku bukole bua Nzambi ndi mua kubanda pa tshimanu.+
30 Njila wa Nzambi mulelela mmupuangane;+Dîyi dia Yehowa ndilengejibue.+
Yeye udi ngabu kudi bonso badi banyemena kudiye.+
31 Bualu nnganyi udi Nzambi pa kumbusha Yehowa?+
Nnganyi udi dibue pa kumbusha Nzambi wetu?+
32 Nzambi mulelela ke eu udi umvuadika bukole,+Ne yeye neavuije njila wanyi mupuangane.+
33 Yeye udi uvuija makasa anyi bu bikono bia ngulungu;Udi ungimanyika pa miaba mitumbuke.+
34 Yeye udi ulongesha bianza bianyi bua kuluangana mvita;Maboko anyi adi mua kunana buta bua mikete bua tshiamu tshia mitaku.
35 Wewe udi umpesha ngabu webe wa lupandu,+Tshianza tshiebe tshia balume tshidi tshinkuatshisha,*Ne didipuekesha diebe didi dimvuija muntu munene.+
36 Wewe udi walabajila bidia bia makasa anyi njila;Makasa* anyi kaakuselemuka to.+
37 Nendondakaje bena lukuna banyi ne nembakuate;Tshiakupingana too ne padibu bajimijibua.
38 Nembazaze bua kabamonyi mua kujuka;+Nebadishinde muinshi mua makasa anyi.
39 Neumpaye ne bukole bua mvita;Neukuluishe baluishi banyi muinshi muanyi.+
40 Neupingajije bena lukuna banyi tshianyima bumbuka kundi,*Nenshikije* badi bankine.+
41 Badi badila balomba diambuluisha, kadi kakuena muntu wa kubapandisha;Badi badidila too ne Yehowa, kadi kena ubandamuna.
42 Nembatue mbabotesha anu bu lupuishi mu lupepele;Nembimanshe anu bu bitotshi mu misesu.
43 Neunsungile ku ditulangana bilema dia bantu.+
Neunteke ku mutu kua bisamba.+
Tshisamba tshindi tshiyi mumanye netshinkuatshile mudimu.+
44 Pumvuabu anu lumu tshianana nebantumikile;Bantu ba ku babende nebalue kudibomba bua kunkokela.+
45 Bantu ba ku babende nebajimije dikima;*Nebafumine mu miaba yabu mikolesha ya kusokomena benda bazakala.
46 Yehowa udi ne muoyo! Dibue dianyi ditumbishibue!+
Nzambi wa lupandu luanyi atumbishibue.+
47 Nzambi mulelela udi usombuela bantu bua bualu buanyi;+Udi uteka bukua bisamba ku bukokeshi buanyi.
48 Yeye udi unsungila kudi bena lukuna banyi badi ne tshiji;Wewe udi umbandisha muulu pa mutu pa badi bambunda;+Udi umpandisha kudi muena tshikisu.
49 Ke bualu kayi nenkutumbishe munkatshi mua bisamba, Yehowa wanyi,+Nengimbe misambu ya kutumbisha nayi* dîna diebe.+
50 Yeye udi wenzela mukalenge wende bienzedi binene bia lupandu;*+Udi uleja dinanga dia lulamatu kudi muela manyi wende,+Kudi Davidi ne bana bende* bua kashidi.+
Note
^ Anyi “mupandishi wanyi wa bukole.”
^ Anyi “muaba mutumbuke wa bukubi.”
^ Anyi “lupepele.”
^ Anyi “Mikidi ya mâyi.”
^ Anyi “muaba mualabale.”
^ Ku mua.: “bitoke.”
^ Anyi “bakengi.”
^ Ku mua.: “ne mêsu a didibandisha.”
^ Anyi “tshintua mpanda.”
^ Anyi “Tupombo.”
^ Anyi “Neumpeshe nyima wa baluishi banyi.”
^ Ku mua.: “Nempuwishe.”
^ Anyi “nebajimine.”
^ Anyi “mijiki bua.”
^ Anyi “malu manene a ditshimuna.”
^ Ku mua.: “dimiinu diende.”
