Misambu 24:1-10
-
Mukalenge wa butumbi udi ubuela mu biibi
-
‘Buloba mbua Yehowa’ (1)
-
Wa Davidi. Mujiki.
24 Buloba ne bintu bionso bidipu mbia Yehowa,+Buloba budi bumenesha bintu ne badi basombelapu.
2 Bualu mmubujalamije bikole pa mbuu+Ne mubujadike bikole pa misulu.
3 Nnganyi udi mua kubanda ku mukuna wa Yehowa?+
Nnganyi udi mua kuimana muaba wende wa tshijila?
4 Mmuntu yonso udi ne bianza bidi kabiyi ne bualu ne muoyo mukezuke,+Udi kayi muditshipe kudi muoyo Wanyi* ne mutshipu wa dishima,Anyi kayi muditshipe ne mashimi.+
5 Neapete mabenesha kudi Yehowa+Ne buakane* kudi Nzambi wende wa lupandu.+
6 Etshi ntshipungu tshia bantu badi bamukeba,Tshia badi bakeba mpala webe, wewe Nzambi wa Yakoba. (Sela)
7 Bandululayi mitu yenu, nuenu biibi;+Kangukayi,* nuenu bibuelelu bia kale,Bua Mukalenge wa butumbi abuele!+
8 Mukalenge wa butumbi eu nnganyi?
N’Yehowa, udi ne bukole ne makanda,+N’Yehowa, udi ne bukole mu mvita.+
9 Bandululayi mitu yenu, nuenu biibi,+Kangukayi, nuenu bibuelelu bia kale,Bua Mukalenge wa butumbi abuele!
10 Mukalenge wa butumbi eu nnganyi?
N’Yehowa wa biluilu, yeye ke Mukalenge wa butumbi.+ (Sela)
Note
^ Anyi “anyima Wanyi,” uleja muoyo wa Yehowa udi muntu uditshipa mu dîna diawu.
^ Anyi “kulumbuluisha kuakane.”
^ Anyi “Jukayi.”
