Misambu 43:1-5
43 Nzambi wanyi, ndumbuluisha,+Ungakuile mu tshilumbu tshindi natshi+ ne tshisamba tshidi katshiyi ne lulamatu.
Unsungile kudi muntu muena dishima udi ne malu adi kaayi makane.
2 Bualu wewe udi Nzambi wanyi, muaba wanyi mukolesha.+
Bua tshinyi udi mundekelele?
Bua tshinyi ndi ne bua kutambakana ne dibungama bua dikengeshibua kudi muluishi wanyi?+
3 Tuma butoke buebe ne bulelela buebe.+
Biobi ebi bindombole;+Biye nanyi too ne ku mukuna webe wa tshijila ne ku ntenta webe munene wa tshitendelelu.+
4 Nunku nendue ku tshioshelu tshia Nzambi,+Kudi Nzambi, disanka dianyi dipite bungi.
Nenkutumbishe ne lunzenze,+ wewe Nzambi, Nzambi wanyi.
5 Bua tshinyi ndi* mushikile?
Bua tshinyi dilubakana dia nunku didi munda muanyi?
Indila Nzambi,+Bualu nengikale anu mua kumutumbisha kabidi bu Mupandishi wanyi Munene ne Nzambi wanyi.+
Note
^ Anyi “anyima wanyi udi.”
