Misambu 68:1-35
Kudi muludiki. Wa Davidi. Mujiki. Musambu.
68 Nzambi ajuke, bena lukuna bende batangalajibue;Badi bamukine banyeme kumpala kuende.+
2 Anu mudibu batangalaja muishi, wewe ubatangalaje;Anu mudi dipula* dia buitshi dienguluka ku kapia,Nunku bantu babi bajimine kumpala kua Nzambi.+
3 Kadi bantu bakane basanke;+Basanke bikole kumpala kua Nzambi;Batunke ne disanka.
4 Imbilayi Nzambi misambu; imbayi misambu ya kutumbisha nayi* dîna diende.+
Imbilayi Yeye udi wendela mu mpata ya bipela.*
Yah* ndîna diende!+ Sankayi kumpala kuende!
5 Tatu wa bana badi bafuishe batatuabu ne mukubi* wa bakaji bakamba+
Ke Nzambi udi musombele mu muaba wende wa tshijila.+
6 Nzambi udi upesha badi nkayabu nzubu wa kusombelamu;+Udi upatula bena buloko ubatantshisha.+
Kadi bena mutu mukole* badi ne bua kusombela mu buloba bume.+
7 Nzambi wetu, pawakalombola* bantu bebe,+Pawakendela mu tshipela, (Sela)
8 Buloba buakakanka;+Diulu diakitshikija mvula* bua bualu bua Nzambi;Sinai eu wakakanka bua bualu bua Nzambi, Nzambi wa Isalele.+
9 Nzambi wetu, wewe wakalokesha mvula mupite bungi;Wakakolesha tshiakabidi bantu* bebe bakavua bazengele.
10 Bakasombela mu bantu bebe bavua basombele mu ntenta;+Mu buimpe buebe, Nzambi wetu, wakapesha bapele bivuabu bakengela.
11 Yehowa udi utuma dîyi;Bakaji badi bamanyisha lumu luimpe badi musumba munene.+
12 Bakalenge ba biluilu badi banyema,+ badi banyema!
Mukaji udi mushale ku nzubu udi upeta pende bintu binyenga mu mvita.+
13 Nansha munuvua nuenu bantu nulala munkatshi mua tupia tua mu tshitudilu,*Nekuikale mapuapua a nkutshi malamika tshiamu tshia arjan,Mikale ne nsongo ya or mutambe buimpe.*
14 Pavua Wa Bukole Buonso mutangalaje bakalenge ba mu buloba,+Neje yakaloka mu Salemona.*
15 Mukuna wa Bashana+ udi mukuna wa Nzambi;*Mukuna wa Bashana udi mukuna wa nsongo mile.
16 Nuenu mikuna ya nsongo mile, bua tshinyi nudi nutangila ne dialakanaKu mukuna udi Nzambi musungule* bu muaba wende wa kusombela?+
Bushuwa, Yehowa neasombelaku kashidi.+
17 Matempu a mvita a Nzambi adi makumi a binunu, adi binunu ne binunu.+
Yehowa mmubuele mu muaba wende wa tshijila ufumina ku Sinai.+
18 Wewe wakabanda muulu;+Wewe wakaya ne bakuatshibue;Wewe wakangata mapa mikale bantu,+Eyowa, nansha bena mutu mukole,+ bua kusomba munkatshi muabu, wewe Yah Nzambi.
19 Yehowa udi wambula bujitu buetu dituku dionso atumbishibue,+Nzambi mulelela wa lupandu luetu. (Sela)
20 Nzambi mulelela udi kutudi tuetu Nzambi udi upandisha;+Yehowa Mukalenge Mutambe Bunene udi ufila mushindu wa kupanduka ku lufu.+
21 Eyowa, Nzambi neatayishe mitu ya bena lukuna bende,Lubombo lua mutu ludi ne nsuki lua yonso udi utungunuka* mu bubi buende.+
22 Yehowa mmuambe ne: “Nembapingaje, mbumbusha ku Bashana;+Nembapingaje, mbumbusha mu ndondo wa mbuu,
23 Bua makasa ebe ikale matua mu mashi+Ne bua ndimi ya mbua yebe ipete tshiayi tshitupa kudi bena lukuna.”
24 Nzambi wanyi, badi bamona bantu bebe milongo batua ngendu ya mazengu,Bantu milongo ba Nzambi wanyi, ba Mukalenge wanyi, batua ngendu ya mazengu babuela mu muaba wa tshijila.+
25 Bimbi ba misambu badi kumpala benda baya, babalonda kudi bimbi ba biombelu bia nshinga;+Pankatshi pabu padi bansongakaji badi bimba ngoma ya ku bianza.+
26 Tumbishayi Nzambi mu bisumbu bia bantu bidi bidisangishe;*Tumbishayi Yehowa, nuenu badi bumbukile ku Mpokolo wa Isalele.+
27 Kuoku aku Benyamina+ muana wa mukala udi ubakokesha,Kabidi ne bakokeshi ba Yuda pamue ne tshisumbu tshiabu tshia mutoyi,Bakokeshi ba Zebulona, bakokeshi ba Nafatale.
28 Nzambi webe mmutume dîyi ne: newikale ne bukole.
Leja bukole buebe, Nzambi wetu, wewe udi muenze bualu bua bualu buetu.+
29 Bua ntempelo webe udi ku Yelushalema,+Bakalenge nebakutuadile mapa.+
30 Tandisha nyama ya tshisuku ya mu malenge,Disangisha dia ngombe+ ne bana bayi,Too ne padi bukua bantu buinama bulua ne* bitupa bia tshiamu tshia arjan.
Kadi yeye udi utangalaja bukua bantu budi busanka bua mvita.
31 Nebafume ne bintu bienza ne tshiamu tshikunze* mu Ejipitu;+Kushi neambuluje bua kufila mapa kudi Nzambi.
32 Nuenu makalenge a pa buloba, imbilayi Nzambi misambu,+Imbayi misambu ya kutumbisha nayi* Yehowa, (Sela)
33 Eu udi wenda mubande pa mutu pa diulu dia katshia ku kale.+
Mona! Yeye udi ukungula ne dîyi diende, dîyi diende dia bukole.
34 Itabayi bukole bua Nzambi.+
Butumbi buende budi pa mutu pa Isalele,Ne bukole buende budi mu diulu.*
35 Nzambi udi ukuatshisha buôwa kumbukila mu muaba wende* munene munsantu.+
Yeye udi Nzambi wa IsaleleUdi upesha bantu makanda ne bukole.+
Nzambi atumbishibue.
Note
^ Anyi “dikatshi.”
^ Anyi “mijiki bua.”
^ Anyi pamuapa: “pa matutu.”
^ “Yah” ntshikepeshilu tshia dîna dia Yehowa.
^ Ku mua: “mulumbuluishi.”
^ Anyi “bantomboji.”
^ Ku mua.: “pawakapatuka kumpala kua.”
^ Ku mua.: “diakamatshisha mamata a mâyi.”
^ Ku mua.: “bumpianyi.”
^ Anyi pamuapa: “bikumbi bia mikoko.”
^ Anyi “wa mubidi wa mâyi a matambe pamue ne mâyi a kalabi.”
^ Anyi “Bivua anu bu ne: neje ivua miloke mu Salemona.”
^ Anyi “udi mukuna mutumbuke bikole.”
^ Anyi “ujinga.”
^ Anyi “utambakana.”
^ Ku mua.: “mu masangisha manene.”
^ Anyi pamuapa: “budiatakaja.”
^ Anyi pamuapa: “Baleji mpala nebafumine.”
^ Anyi “mijiki bua.”
^ Ku mua.: “mu matutu.”
^ Ku mua.: “webe.”
