Musambu wa Solomo 1:1-17
-
Musambu wa ku misambu (1)
-
Nsongakaji (2-7)
-
Bana ba bakaji ba Yelushalema (8)
-
Mukalenge (9-11)
-
“Netukuenzele bilengejilu bia or” (11)
-
-
Nsongakaji (12-14)
-
‘Munanga wanyi udi bu kabombi ka mire wa dipembu dimpe’ (13)
-
-
Mulami wa mikoko (15)
-
“Udi muimpe kumona, munanga wanyi”
-
-
Nsongakaji (16, 17)
-
“Udi muimpe kumona, munanga wanyi” (16)
-
1 Musambu wa ku misambu,* udi musambu wa Solomo:+
2 “Yeye antue mishiku ne dituangana dia mishiku dia mukana muende,Bualu mishindu yebe ya kuleja dinanga mmimpe kupita mvinyo.+
3 Dipembu dia mafuta ebe didi disankisha.+
Dîna diebe didi bu mafuta a dipembu dimpe mapongolola.+
Ke bualu kayi bansongakaji mbakunange.
4 Uye nanyi;* tunyeme lubilu.
Mukalenge mmumbueje mu nzubu yende ya munda!
Tuikale ne disanka ne tusankile mu wewe.
Tutumbishe* mishindu yebe ya kuleja dinanga kupita mvinyo.
Bobu* mbakunangilamu.
5 Nuenu bana ba bakaji ba mu Yelushalema, ndi mufiike, kadi mulengele
Bu ntenta ya mu Kedâ,+ bu bilamba bia ntenta+ wa Solomo.
6 Kanushadi bantangile bua mundi mufiikuluke,Bualu munya mmungoshe.
Bana ba balume ba mamuanyi bavua bamfiikile munda;Bakanteka mulami wa madimi a tumuma tua mvinyo,Kadi buanyi budimi bua tumuma tua mvinyo tshivua mubulame.
7 Ngambila, wewe undi munange* bikole,Muaba uudi udishila tshisumbu tshia mikoko yebe,+Muaba uudi uyiladika munda munya.
Bua tshinyi ndi mua kulua bu mukaji udi mudijingile tshilamba*Munkatshi mua bisumbu bia mikoko ya balunda bebe?”
8 “Biwikala kuyi mumanye, wewe mukaji mutambe bakuabu bulengele,Ndaku ulonda bikono bia tshisumbu tshia mikokoNe udishile bana bebe ba mbuji pabuipi ne ntenta ya balami.”
9 “Munanga wanyi, ndi nkufuanyikija ne dishina dia* kabalu munkatshi mua matempu a Palô.+
10 Matama ebe mmalengele ne bilengejilu,*Nshingu webe mmulengele ne nshinga ya masanga.
11 Netukuenzele bilengejilu* bia orBilamika tutata tua arjan.”
12 “Padi mukalenge musombe ku mêsa ende a tshijengu,Manananshi* anyi+ adi atuma dipembu diawu.
13 Munanga wanyi udi kundi bu kabombi ka mire wa dipembu dimpe+Kalale pankatshi pa mabele anyi butuku bujima.
14 Munanga wanyi udi kundi bu tshisumbu tshia bilongo bia yina+Munkatshi mua madimi a tumuma tua mvinyo a mu Ene-gedi.”+
15 “Mona! Udi muimpe kumona, munanga wanyi.
Mona! Udi muimpe kumona. Mêsu ebe nga nyunyi ya nkutshi.”+
16 “Mona! Udi muimpe kumona,* munanga wanyi, ne udi ufila disanka!+
Bulalu buetu budi munkatshi mua mabeji a mitshi.
17 Maleka a nzubu wetu* mmitshi ya sedre,Mikamba yetu mmitshi ya jenevriye.
Note
^ Anyi “Musambu mutambe buimpe.”
^ Ku mua.: “Unkoke.”
^ Anyi “Tuakule bua.”
^ Mmumue ne: bansongakaji.
^ Anyi “tshilamba tshia madilu.”
^ Anyi “udi anyima wanyi munange.”
^ Anyi “dianyi dia.”
^ Anyi pamuapa: “munkatshi mua bipia bia nsuki.”
^ Anyi “bikanu.”
^ Ku mua.: “Tshisonsa tshianyi tshia nare.”
^ Anyi “mulengele.”
^ Anyi “nzubu wetu muimpe.”