Nsumuinu 10:1-32
10 Nsumuinu ya Solomo.+
Muana wa meji udi usankisha tatuende,+Kadi muana mutshimbakane udi kanyinganyinga ka mamuende.
2 Biuma bipetela ku bubi kabiakuikala ne dikuatshisha to,Kadi buakane ke budi busungilangana ku lufu.+
3 Yehowa kakufuisha muntu muakane* ne nzala to,+Kadi neapale bantu babi tshidibu bajinga bikole.
4 Bianza bia bufuba nebikebeshe bupele,+Kadi bianza bidi bienza mudimu ne muoyo mujima bidi bipetesha bubanji.+
5 Muana udi wenza malu ne busunguluji udi usangisha bia pa madimi mu muvu wa luya lukole,*Kadi muana udi wenza malu adi afuisha bundu udi ulala bikole tshikondo tshia dinowa.+
6 Mabenesha adi pa mutu wa muntu muakane,+Kadi mukana mua bantu babi mudi musokoka tshikisu.
7 Tshivulukilu tshia* muntu muakane tshidiku bua dibenesha,+Kadi dîna dia bantu babi nedibole.+
8 Muntu udi ne muoyo wa meji neitabe mayisha,*+Kadi muntu udi wakula kayi wela meji nebamudiatakaje.+
9 Muntu udi wenda ne muoyo mutoke neende mu bukubi,+Kadi muntu udi ukonyangaja njila yende nebamutandule.+
10 Muntu udi uvinya dîsu diende muinshi muinshi udi ukebesha kanyinganyinga,+Ne muntu udi wakula kayi wela meji nebamudiatakaje.+
11 Mukana mua muntu muakane mmpokolo wa muoyo,+Kadi mukana mua bantu babi mudi musokoka tshikisu.+
12 Lukinu ke lutu lusonsola matandu,Kadi dinanga didi dibuikila dishipa dia mikenji dionso.+
13 Meji adi asanganyibua ku mishiku ya muntu udi ne dijingulula dia malu,+Kadi lukodi ludiku bua nyima wa muntu udi kayi ne lungenyi lujalame.*+
14 Bantu badi ne meji badi balama dimanya bimpe,+Kadi mukana mua muntu mutshimbakane mudi mubikila kabutu.+
15 Biuma bia* muntu mubanji bidi tshimenga tshiende tshikolesha.
Kabutu ka bapele mbulanda buabu.+
16 Mudimu wa muntu muakane udi ufikisha ku muoyo;Kadi tshintu tshidi muntu mubi upatula tshidi tshifikisha ku mpekatu.+
17 Muntu udi uteleja mubelu udi njila wa ku muoyo,*Kadi muntu udi ubenga mubelu udi upambuisha bakuabu.
18 Muntu udi usokoka lukinu luende udi wakula malu a dishima,+Ne muntu udi wendeshilangana ngumu mibi* mmutatakane.
19 Padiku mêyi a bungi, dishipa dia mikenji kadiena mua kupangika,+Kadi muntu yonso udi ukanda mishiku yende udi wenza malu ne budimu.+
20 Ludimi lua muntu muakane ludi bu tshiamu tshia arjan tshitambe buimpe,+Kadi muoyo wa muntu mubi udi ne mushinga mukese.
21 Mishiku ya muntu muakane idi idiisha* bantu ba bungi,+Kadi bantu batshimbakane badi bafua bua dipangila dia lungenyi.+
22 Dibenesha dia Yehowa ke didi divuija muntu mubanji,+Ne Yeye kena utentekapu dikenga.*
23 Kuditua mu tshikadilu tshia bundu kudi anu bu dinaya kudi muntu mutatakane,Kadi meji adiku bua muntu udi ne dijingulula dia malu.+
24 Tshidi muntu mubi utshina netshimufikile;Kadi dijinga dia bantu bakane nebabakumbajiladi.+
25 Padi tshipepele tshikole tshipita, muntu mubi kakuikalaku kabidi,+Kadi muntu muakane udi tshishimikidi bua kashidi.+
26 Bu mvinyo wa buanji ku mênu ne muishi mu mêsu,Ke mudi muena lulengu kudi muntu udi umutuma.*
27 Ditshina dia Yehowa didi dilepesha matuku a muoyo,+Kadi nebakosoloje bidimu bia bantu babi.+
28 Ditekemena* dia bantu bakane didi difila disanka,+Kadi ditekemena dia bantu babi nedijimine.+
29 Njila wa Yehowa mmuaba wa kusokomena kudi muntu udi kayi kalema,+Kadi udi umvuija kabutu bua benji ba malu mabi.+
30 Muntu muakane kakuedibua panshi nansha,+Kadi bantu babi kabakusomba kabidi pa buloba nansha.+
31 Mukana mua muntu muakane mudi mupatula* meji,Kadi ludimi lubi nebalukose.
32 Mishiku ya muntu muakane mmimanye tshidi tshisankisha,Kadi mukana mua bantu babi mmubi.
Note
^ Anyi “anyima wa muntu muakane.”
^ Anyi “été.”
^ Anyi “Lumu lua.”
^ Ku mua.: “mikenji.”
^ Ku mua.: “udi kayi ne muoyo wa munda.”
^ Anyi “Tshintu tshia mushinga mukole tshia.”
^ Anyi pamuapa: “udi mu njila wa ku muoyo.”
^ Anyi “biambamba.”
^ Anyi “ilombola.”
^ Anyi “kanyinganyinga; lutatu.”
^ Anyi “mfumuende wa mudimu.”
^ Ku mua.: “Dindila.”
^ Anyi “mukuama dimuma dia.”
