Nsumuinu 18:1-24
18 Muntu udi uditola pa nkayende udi wipatshila majinga ende a budisunkaya;Udi ubenga* meji onso adi ambuluisha.
2 Dijingulula dia malu kadiena disankisha muntu mutatakane;Kadi yeye neasokolole bidi mu muoyo wende.+
3 Padi muntu mubi ulua, dipetu didi dilua padi,Dipepejibua didi dienda pamue ne difuishibua dia bundu.+
4 Mêyi a mukana mua muntu adi mâyi male.+
Mpokolo wa meji udi kasulu kadi kapueka.
5 Ki mbimpe kuleja muntu mubi kansungansunga+Anyi kubengela muntu muakane kulumbuluisha kuakane.+
6 Mêyi a mutatakane adi afikisha ku matandu,+Ne mukana muende mudi mubikila mututu.+
7 Mukana mua mutatakane nkabutu kende,+Ne mishiku yende idi buteyi bua muoyo* wende.
8 Mêyi a mushiminyinyanganyi wa malu adi bu tupese tua biakudia tushême;*+Badi batusukumina tupueka diakamue too ne mu tshifu.+
9 Muntu udi ne lulengu mu mudimu wendeMmuanabu ne muntu udi ukebesha kabutu.+
10 Dîna dia Yehowa didi tshibumba tshikole.+
Muntu muakane udi unyemenamu ne udi upeta bukubi.*+
11 Biuma bia muntu mubanji bidi tshimenga tshiende tshikolesha;Bidi bu tshimanu tshia bukubi mu meji ende.+
12 Kumpala kua dibutuka, muoyo wa muntu udi udibandisha,+Ne kumpala kua butumbi kudi didipuekesha.+
13 Padi muntu wandamuna bualu kumpala kua kumvua mudi malu,Nditshimbakana ne dipuekeshibua dia milongo.+
14 Lungenyi lua muntu ludi mua kumukuatshisha mu disama,+Kadi nnganyi udi mua kukokesha mua kusomba ne lungenyi lushikile?*+
15 Muoyo wa muntu udi ne dijingulula dia malu udi upeta dimanya,+Ne ditshi dia muena meji didi dikeba bua kupeta dimanya.
16 Dipa dia muntu didi dimunzuluila njila;+Didi dimufikisha kudi bantu banene.
17 Muntu udi ulumbulula wa kumpala udi umueneka bu mubinge,+Too ne padi udiye nende tshilumbu ulua, ne umulondolola.*+
18 Kuela nshobo kudi kukosesha matandu+Ne kudi kukosesha tshilumbu pankatshi pa* baluishi ba bukole.
19 Mbikole bua kutekesha muanetu muenzela bibi kupita tshimenga tshikolesha,+Ne kudi matandu adi bu milonda ya muaba mukolesha.+
20 Tshifu tshia muntu netshiukute ne mamuma a mêyi ende;*+Neukute bintu bidi mishiku yende ipatula.
21 Lufu ne muoyo bidi ku bukokeshi bua ludimi;+Badi banange kuenza nalu mudimu nebadie mamuma alu.+
22 Muntu udi upeta mukaji muimpe mmupete tshintu tshimpe,+Ne udi upeta dianyishibua dia* Yehowa.+
23 Muntu mupele udi usengelela padiye wakula,Kadi muntu mubanji udi wandamuna ne mêyi mashile.
24 Kudi balunda badi pabuipi bua kuzazangana,+Kadi kudi mulunda udi ulamata bikole kupita muanabu ne muntu.+
Note
^ Anyi “upetula.”
^ Anyi “anyima.”
^ Anyi “bu bintu bia kumina ne lumpukusu.”
^ Ku mua.: “udi utekibua kuulu,” mmumue ne: kabayi mua kumupeta, muikale mu bukubi.
^ Anyi “kakuyi tshia kuenza.”
^ Anyi “umukonkonona.”
^ Ku mua.: “kudi kupandulula.”
^ Ku mua.: “mukana muende.”
^ Anyi “muoyo muimpe wa.”
