Yelemiya 17:1-27
17 “Mpekatu wa Yuda mmufunda ne mutshi wa mukanda wa tshiamu tshifiike.
Mbamufunde muondola pa kabaya ka muoyo wabu ne lusongo lua dibue dia mbongoNe pa nsengu ya ku bioshelu biabu,
2 Padi eku bana babu bavuluka bioshelu biabu ne makunji abu a tshijila*+Ku luseke kua mutshi udi musampile bikole, pa mikuna mikese mitumbuke,+
3 Pa mikuna minene idi mu mpata.
Bubanji buebe, biuma biebe bionso, nembifile bu tshintu tshia kupawula,+Eyowa, miaba yebe mitumbuke bua mpekatu udi mu bitupa biebe bia maloba.+
4 Neudilekeele nkayebe bumpianyi buebe bumvua mukupeshe.+
Nengenze bua wenzele bena lukuna bebe mudimu mu buloba buudi kuyi mumanye,+Bualu udi musonsole tshiji tshianyi bu kapia.*+
Netshiteme bua kashidi.”
5 Mona tshidi Yehowa wamba:
“Mulawu udi kudi muntu* udi weyemena bantu patupu,+Udi weyemena bukole bua muntu,*+Ne muena muoyo udi umbuka kudi Yehowa.
6 Nealue bu mutshi udi pa nkayawu mu tshipela.
Kakumona padi bualu buimpe bulua,Kadi neasombele miaba miume mu tshipela,Mu buloba bua mukele budi muntu kayi mua kusombela.
7 Udi mubeneshibue mmuntu* udi weyemena Yehowa,Udi tshieyemenu tshiende tshikale kudi Yehowa.+
8 Yeye nealue bu mutshi mukuna ku muelelu kua mâyi,Udi utuma miji yawu ku kasulu.
Yeye kakumanya padi munya mukole ulua,Kadi mabeji ende neikale anu asampila.+
Mu tshidimu tshia munanga, yeye kakusamisha mutu,Anyi kulekela kukuama mamuma.
9 Muoyo udi udinga* kupita tshintu tshikuabu kayi tshionso ne mmubi mutambe.*+
Nnganyi udi mua kuwumanya?
10 Meme, Yehowa, ndi nkonkonona muoyo,+Nkonkonona meji a munda menemene,*Bua kufuta muntu ne muntu bilondeshile njila yende,Bilondeshile mamuma a midimu yende.+
11 Bu nkuadi udi usangisha bidiye kayi muele,Ke mudi muntu udi upetela bubanji ku njila mubi.*+
Buobu nebumushiye munkatshinkatshi mua matuku ende a muoyo,Ne ku ndekelu yeye neamueneke mutatakane.”
12 Nkuasa wa bukalenge wa butumbi, mutumbishibue katshia ku ntuadijilu,Mmuaba wa muaba wetu munsantu.+
13 Wewe Yehowa, ditekemena dia Isalele,Bantu bonso badi bakulekela nebafuishibue bundu.
Badi bakutombokela* nebafundibue mu lupuishi,+Bualu mbalekele Yehowa, mpokolo wa mâyi a muoyo.+
14 Ungondope, wewe Yehowa, ne nengondopibue.
Umpandishe, ne nempandishibue,+Bualu wewe ke undi ntumbisha.
15 Monayi! Kudi bantu badi bangambila ne:
“Dîyi dia Yehowa didi penyi?+
Dilue koku!”
16 Kadi meme, tshivua mulekele kukulonda wewe bu mulami wa mikoko,Anyi mujinge dituku dia dikenga to.
Wewe udi mumanye bimpe malu onso adi mishiku yanyi miambe;Buonso buawu avua menzeke kumpala kuebe!
17 Kuikadi kundi tshintu tshidi tshikuatshisha buôwa.
Wewe udi tshinyemenu tshianyi mu dituku dia dikenga.
18 Bantu badi bankengesha bafuishibue bundu,+Kadi kundekedi meme mfuishibua bundu to.
Bobu bakuatshike buôwa bukole,Kadi kundekedi meme nkuatshika buôwa bukole to.
Ubatumine dituku dia dikenga,+Ubazaze ne ubabutule butubutu.*
19 Mona tshivua Yehowa mungambile: “Ndaku, wimane mu tshiibi tshia bana ba bantu mutu bakalenge ba Yuda babuelela ne bapatukila, ne mu biibi bionso bia Yelushalema.+
20 Udi ne bua kubambila ne: ‘Telejayi dîyi dia Yehowa, nuenu bakalenge ba Yuda, bantu bonso ba mu Yuda, ne bonso badi basombele mu Yelushalema, badi babuelela ku biibi ebi.
21 Mona tshidi Yehowa wamba: “Dimukayi,* ne kanuambudi bujitu nansha bumue mu dituku dia Nsabatu peshi kubuelela nabu mu biibi bia Yelushalema+ to.
22 Kanuena ne bua kupatula bujitu nansha bumue mu nzubu yenu mu dituku dia Nsabatu; ne kanuena ne bua kuenza mudimu nansha umue to.+ Nulame dituku dia Nsabatu dia tshijila, anu bu mumvua muambile bankambua benu bua kuenza.+
23 Kadi kabakateleja anyi kuinyika ditshi diabu, ne bakabenga ne mutu mukole* bua kutumikila peshi kuitaba mubelu.”’+
24 “‘“Kadi, nuenu bantumikile ne muoyo mujima,” ke mudi Yehowa wamba, “ne kanuyi babuelele ne bujitu nansha bumue ku biibi bia tshimenga etshi mu dituku dia Nsabatu, ne balame dituku dia Nsabatu dia tshijila kanuyi nuenza mudimu nansha umue dituku adi,+
25 nunku bakalenge ne bakokeshi badi basomba mu nkuasa wa bukalenge wa Davidi+ nebabuelele pabu ku biibi bia tshimenga etshi, babande mu ditempu ne pa tubalu, bobu ne bakokeshi babu, bantu ba Yuda ne bantu badi basombele mu Yelushalema;+ ne bantu nebasombele mu tshimenga etshi bua kashidi.
26 Bantu nebafumine mu bimenga bia Yuda, mu miaba idi minyunguluke Yelushalema, mu buloba bua Benyamina,+ mu tshibatabata,+ mu buloba bua mikuna, ne mu Negebe,* balua ne milambu ya kuosha mijima,+ milambu mikuabu,+ milambu ya ntete,+ budimbu bua mupuya muimpe, ne milambu ya kuela nayi tuasakidila mu nzubu wa Yehowa.+
27 “‘“Kadi nuenu kanuyi bantumikile bua kulama dituku dia Nsabatu dia tshijila ne bua kubenga kuambula majitu ne kubuelela nawu ku biibi bia Yelushalema dituku dia Nsabatu, nentue biibi biende kapia, ne bushuwa nekoshe bibumba bikolesha bia Yelushalema+ ne kabakukajima nansha.”’”+
Note
^ Anyi pamuapa: “Bualu anu bu kapia, mbakutemeshe mu tshiji tshianyi.”
^ Anyi “muntu wa bukole.”
^ Ku mua.: “uvuija musunyi diboko diende.”
^ Anyi “mmuntu wa bukole.”
^ Anyi “utungilangana.”
^ Anyi pamuapa: “kawena mua kuondopibua.”
^ Anyi “mudi muntu udiumvua munda muende menemene.” Ku mua.: “tuonyi.”
^ Anyi “kadi kabiyi mu buakane.”
^ Ku mua.: “bantombokela,” bakula pamuapa bua Yehowa.
^ Anyi “ubabutule misangu ibidi.”
^ Anyi “Dimukayi bua anyima yenu.”
^ Ku mua.: “bakakolesha nshingu.”
^ Anyi “ku sud.”
