Yelemiya 4:1-31
4 “Biwapingana, wewe Isalele,” ke mudi Yehowa wamba,“Biwapingana kundiNe biwumbusha mpingu yebe ya muendi kumpala kuanyi,Nunku kuakuikala munyemakanyi+ to.
2 Biwaditshipa ne:‘Bushuwa bu mudi Yehowa ne muoyo!’ mu bulelela, mu kulumbuluisha kuakane, ne mu buakane,Nunku bisamba nebipete dibenesha buabi biobi ku diambuluisha diende,Ne nebiditumbishile mu yeye.”+
3 Bualu mona tshidi Yehowa wambila balume ba mu Yuda ne Yelushalema:
“Dibunduluilayi buloba budi bukumbane kudima,Ne kanutungunuki ne kukuna munkatshi muamêba.+
4 Ditengulayi bua Yehowa,Ne umbushayi misoso ya ku mioyo yenu,+Nuenu balume ba mu Yuda ne bantu badi basombele mu Yelushalema,Bua tshiji tshianyi katshitemi bu kapiaNe kuosha kakuyi muntu udi mua kutshijima,Bua bualu bua bienzedi bienu bibi.”+
5 Ambayi bualu ebu mu Yuda, ne bumanyishayi mu Yelushalema.
Elayi mbila ne elayi mpungi mu buloba bujima.+
Elayi dîyi dikole ne ambayi ne: “Disangishayi pamue,Tunyemenayi mu bimenga bikolesha.+
6 Imanyikayi tshimanyinu tshitangile* ku Siona.
Kebayi muaba wa kueyema, ne kanushadi bimane,”
Bualu ndi ntuma dikenga difumina ku nord,+ kabutu kanene.
7 Yeye mmupatuke bu ntambue upatuka mu tshipuka tshiende;+Mubutudi wa bisamba mmumate mu njila.+
Mmupatuke mu muaba wende bua kuvuija buloba tshintu tshidi tshikuatshisha buôwa.
Bimenga bienu nebivuijibue bikulu, kakuyi muntu musombelamu.+
8 Nanku, vualayi bilamba bikayabale,+Dilayi* ne elayi kabobo ka muadi,Bualu tshiji tshikole tshia Yehowa ki ntshiumbuke kutudi nansha.
9 “Mu dituku adi,” ke mudi Yehowa wamba, “muoyo wa* mukalenge newumuele mâyi ku makasa,+Kabidi ne muoyo wa* bakokeshi;Bakuidi nebumvue buôwa, ne baprofete nebakatshile.”+
10 Pashishe ngakamba ne: “Kaah, Mukalenge Mutambe Bunene Yehowa! Bulelela udi mudinge bantu aba+ ne Yelushalema bikole menemene, wamba ne: ‘Nenuikale ne ditalala,’+ padi muele wa mvita muikale mu miminu yetu.”*
11 Tshikondo atshi nebambile bantu aba ne Yelushalema ne:
“Lupepele ludi luosha lufumina ku mikuna ya mu tshipela idi kayiyi ne tshintuNelukombe muana wa bakaji wa* bantu banyi;Kaluena lulua bua kupepula anyi bua kutokesha nansha.
12 Lupepele lukole ludi lufumina miaba eyi ku dîyi dianyi.
Mpindieu nengambe mêyi a dilumbuluisha bua bualu buabu.
13 Monayi! Yeye nealue bu matutu a mvula,Ne matempu ende a mvita adi bu tshipepele tshikole.+
Tubalu tuende tudi ne lubilu kupita nyunyi ya mikanku.+
Diakabi dietu, bualu tudi babutudibue!
14 Sukula muoyo webe bua kumbusha malu mabi, wewe Yelushalema, bua upandishibue.+
Neulame ngenyi mibi too ne dîba kayi?
15 Bualu dîyi didi diamba lumu lua ku Dana,+Ne didi dimanyisha tshipupu tshidi tshifumina ku mikuna ya Efelayima.
16 Eyowa, ambilayi bisamba bualu ebu;Bumanyishayi Yelushalema.”
“Bansentedi* badi bafumina ku buloba bua kule,Ne nebabandishile bimenga bia Yuda mêyi abu.
17 Badi balua mu nseke yonso batangile kudiye bu balami ba budimi,+Bualu mmuntombokele,”+ ke mudi Yehowa wamba.
18 “Nebakutumine njila yebe ne bienzedi biebe.+
Dikenga diebe ndikole be,Bualu didi difika too ne ku muoyo webe!”
19 Eyi kanyinganyinga kanyi,* kanyinganyinga kanyi!
Ndi ngumvua kusama kukole mu muoyo wanyi mene.*
Muoyo wanyi udi ukuma bikole munda muanyi.
Tshiena mua kushala mupuwe,Bualu ndi mumvue* muadi wa mpungi,Lubila lua dimanyisha mvita.*+
20 Mbakule bua tshipupu ku tshipupu,Bualu buloba bujima mbubutudibue.
Diakamue ntenta yanyi meme mmibutudibue,Bilamba bianyi bia ntenta+ mu tshitupa tshikese.
21 Too ne dîba kayi dingatungunuka ne kutangila tshimanyinu,*
Dingatungunuka ne kumvua muadi wa mpungi?+
22 “Bualu bantu banyi mbatshimbakane;+Kabena bateya ntema kundi.
Mbana batatakane, kabayi ne dijingulula dia malu.
Badi ne meji a* bungi anu padibi bua kuenza malu mabi,Kadi ki mbamanye mua kuenza malu mimpe.”
23 Ngakatangila buloba, ne monayi! buvua munda mutupu ne kabuyi ne tshintu.+
Ngakatangila diulu, ne butoke buadi kabuvuaku kabidi to.+
24 Ngakamona mikuna minene, ne monayi! ivua izakala,Ne mikuna mikese ivua inyukuka.+
25 Ngakatangila, ne monayi! kakuvua muntu to,Ne nyunyi ya muulu ivua mibuuke yonso.+
26 Ngakatangila, ne monayi! budimi bua mitshi ya bimuma buvua bulue tshipela,Ne bimenga biabu bivua biupula bionso.+
Bivua nanku bua bualu bua Yehowa,Bua bualu bua tshiji tshiende tshikole.
27 Bualu mona tshidi Yehowa wamba: “Buloba buonso nebushale munda mutupu,+Kadi tshiakubutula butubutu to.
28 Bua bualu ebu buloba nebudile,+Ne diulu didi muulu nedifiike.+
Bidi nanku bualu ndi muakule, ndi muangate dipangadika,Ne tshiakushintulula lungenyi luanyi,* anyi kupingana tshianyima+ to.
29 Ku tshiona tshia bendeshi ba tubalu ne bedi ba mikete,Tshimenga tshijima tshidi tshinyema.+
Badi babuela mu bipuka,Ne badi babanda pa mabue manene.+
Tshimenga ne tshimenga tshionso ntshilekela,Ne kakuena muntu udi musombelamu.”
30 Mpindieu udibu bakubutule, newenze tshinyi?
Uvua ne tshibidilu tshia kuvuala bilamba bikunze,Kudilengeja ne bilenga bia or,Ne kudiundisha mêsu ebe ne tshilabu tshifiike.*
Kadi uvua mudilengeje tshianana,+Bualu bavua bakujinga bikole mbakubenge;Badi mpindieu bakeba kuangata muoyo webe.*+
31 Bualu ndi mumvue dîyi bu dia mukaji udi usama,Dikenga bu dia mukaji udi ulela muanende wa kumpala,Dîyi dia muana wa bakaji wa Siona udi utungunuka ne kuditshinta ne mueyelu.
Udi wamba padiye ubalula bianza biende+ ne:
“Diakabi dianyi, bualu ndi mupungile* bua bualu bua bashipianganyi!”
Note
^ Anyi “mutshi wa tshimanyinu mutangile.”
^ Anyi “Dikumayi pa biadi bienu.”
^ Anyi “dikima dia.”
^ Anyi “dikima dia.”
^ Anyi “padi muele wa mvita mulenge anyima wetu.”
^ Ngakuilu wa kasala udibu bakula bua tshintu bu muntu, pamuapa bua kuleja luse anyi diditeka pa muaba wa bakuabu.
^ Ku mua.: “Batentekedi,” mmumue ne: badi batentekela tshimenga bua kumanya dia kuela mvita.
^ Ku mua.: “mala anyi.”
^ Ku mua.: “mu bimanu bia muoyo wanyi.”
^ Anyi “anyima wanyi mmumvue.”
^ Anyi pamuapa: “tshiona tshia lubila lua mvita.”
^ Anyi “mutshi wa tshimanyinu.”
^ Anyi “lungenyi lua.”
^ Anyi “tshiakunyingalala.”
^ Anyi “tshindidimbi tshia dîsu.”
^ Anyi “badi bakeba anyima webe.”
^ Anyi “anyima wanyi mmupungile.”
