Yeshaya 42:1-25
42 Monayi! Muena mudimu wanyi+ undi nkuatshisha!
Muntu wanyi musungula+ undi* muanyishe!+
Ndi muele nyuma wanyi munda muende;+Neatuadile bisamba kulumbuluisha kuakane.+
2 Kakuela lubila anyi kubandisha dîyi diende,Ne kakuenza bua dîyi diende diumvuike mu musesu.+
3 Kakutshibula dilenge didi dizajike,Ne kakujima mukaba wa muendu udi ufuima.+
Neatuale kulumbuluisha kuakane mu lulamatu.+
4 Kakuteketa anyi kuzajibua too ne padiye ujadika kulumbuluisha kuakane pa buloba;+Ne bidiila* bidi bitungunuka ne kuindila mukenji wende.*
5 Mona tshidi Nzambi mulelela, Yehowa,Mufuki wa diulu ne Munene uvua mudiolole,+Yeye udi mualabaje buloba ne bintu bidibu bupatula,+Yeye udi upesha bantu badipu mueyelu+Ne upesha badi bendelapu nyuma,+ wamba:
6 “Meme, Yehowa, ndi mukubikile mu buakane;Ndi mukukuate ku tshianza tshiebe.
Nenkulame, nenkufile bu tshipungidi bua bantu+Ne bu butoke bua bisamba,+
7 Bua wewe kutabeja mêsu a bampofu,+Bua kupatula bena lukanu mu buloko bua muinshi mua bulobaNe kupatula badi basombe mu mîdima mu lukanu.+
8 Meme ndi Yehowa. Adi ndîna dianyi;Tshiena mfila butumbi buanyi kudi muntu mukuabu,*Anyi kutumbishibua kuanyi kudi mpingu misonga.+
9 Monayi, malu a kumpala apitshi;Mpindieu ndi nnuambila malu mapiamapia.
Kumpala kua kupatukawu, ndi nnuambilawu.”+
10 Imbilayi Yehowa musambu mupiamupia,+Imbayi butumbi buende kumbukila ku ntengu ya buloba,+Nuenu badi bapueka ku mbuu ne bionso bidi biuwulamu,Nuenu bidiila* ne badi basombelamu.+
11 Tshipela ne bimenga biatshi bibandishe dîyi diabi,+Miaba ya kusombela idi Kedâ+ musombele.
Badi basombele ku mukuna wa dibue bele mbila ne disanka;Belele mbila pa nsongo ya mikuna.
12 Bapeshe Yehowa butumbiNe bamanyishe butumbi buende mu bidiila.*+
13 Yehowa neapatuke bu tshilobo.+
Neajule tshisumi tshiende bu muena mvita.+
Neele dîyi, eyowa, neashiye lubila lua mvita;Neadileje muena bukole kupita bena lukuna bende.+
14 “Ndi mushale talalaa mutantshi mule.
Mvua mushale mupuwe ne mudikande.
Bu mukaji pa lulelu,Nentue mikemu, nempuyakane lubilu lubilu ne nenkoke mioyo ya munda musangu umue.
15 Nembutule mikuna minene ne mikuna mikeseNe nengumishe bikunyibua biayi bionso.
Nenkudimune misulu ilua bidiila*Ne nengumishe majiba a mâyi adi ne malenge.+
16 Nendombole bampofu mu njila udibu kabayi bamanye,+Nengenze bua bendele mu tujila tudibu kabayi bibidile.+
Nemvuije mîdima idi kumpala kuabu butoke+Ne nemvuije muaba wa binina buloba bulandakane.+
Etshi ke tshingabenzela, tshiakubalekela to.”
17 Nebabapingaje ne nebafuishibue bundu bibi be!
Aba badi beyemena mpingu misonga,Aba badi bambila mpingu ya tshiamu* ne: “Nudi nzambi yetu.”+
18 Telejayi nuenu bampudi matshi;Tangilayi numone, nuenu bampofu.+
19 Nnganyi udi mpofu bikalaye kayi muena mudimu wanyi,Mpudi matshi menemene bu mutuadi wa mukenji undi mutume?
Nnganyi udi mpofu menemene bu muntu uvuabu bafute,Mpofu menemene bu muena mudimu wa Yehowa?+
20 Wewe udi umona malu a bungi, kadi kuena ushala mutabale to.
Udi ukangula matshi ebe, kadi kuena umvua to.+
21 Bua bualu bua buakane buende,Yehowa udi usanka bua dibandisha mukenji* ne diwuvuija wa butumbi.
22 Kadi aba mbantu badibu banyenge bintu ne bapawule;+Buonso buabu mbakuatshibue mu majimba ne mbasokoka mu maloko.+
Mbabanyenge bintu kakuyi muntu wa kubasungila,+Ne mbabapawule kakuyi muntu udi mua kuamba ne: “Bapingajayi!”
23 Nnganyi wa munkatshi muenu wumvua bualu ebu?
Nnganyi wateya ntema ne wateleja bua tshikondo tshidi tshilua?
24 Nnganyi udi mufile Yakoba bua dipawulaNe Isalele kudi banyengi?
Ki n’Yehowa, Yeye utuvua benzele mpekatu anyi?
Bavua babenge bua kuendela mu njila yende,Ne bavua babenge bua kutumikila mukenji* wende.+
25 Nunku Yeye wakatungunuka ne kumupumuina tshiji tshiende tshikole,Tshiji tshiende ne luonji lua mvita.+
Biakabutula bionso bivua bimunyunguluke, kadi kakateya ntema to.+
Biakamutemena, kadi yeye kakalama bualu ebu ku muoyo to.+
Note
^ Anyi “udi anyima wanyi.”
^ Anyi “bisanga.”
^ Anyi “dilongesha diende.”
^ Anyi “Tshiena ngabanyangana butumbi buanyi ne muntu mukuabu.”
^ Anyi “bisanga.”
^ Anyi “bisanga.”
^ Anyi “maloba a ku mielelu kua mbuu.”
^ Anyi “mpingu ya tshiamu tshiengulula.”
^ Anyi “dilongesha.”
^ Anyi “dilongesha.”
