Yeshaya 60:1-22
60 “Juka, wewe mukaji,+ fila butoke, bualu butoke buebe mbulue.
Butumbi bua Yehowa budi bukukenkesha.+
2 Bualu tangila! mîdima neyibuikile bulobaNe mifitu mikole neyibuikile bisamba;Kadi Yehowa neakenke pambidi pebe,Ne butumbi buende nebumueneke pambidi pebe.
3 Bisamba nebiye ku butoke buebe+Ne bakalenge+ ku bulengele buebe budi bukenka.*+
4 Bandisha mêsu ebe ne tangila ku nseke yebe yonso!
Mbabasangishe buonso buabu; badi balua kuudi.
Bana bebe ba balume badi balua bafumina kule,+Ne bana bebe ba bakaji mbambula ku lubese.+
5 Tshikondo atshi neumone ne neusanke bikole,+Ne muoyo webe newukume bikole ne newuwule ne disanka,Bualu nebatume bubanji bua mbuu kuudi;Ne biuma bia bisamba nebilue kuudi.+
6 Bisumbu bia tumelu nebibuikile buloba buebe,*Bana balume ba tumelu ba ku Midiyana ne ku Efa.+
Bonso badi bafumina ku Sheba, nebalue;Nebambule or ne budimbu bua mupuya muimpe.
Nebamanyishe butumbi bua Yehowa.+
7 Bisumbu bionso bia mikoko bia ku Kedâ+ nebisangishibue kuudi.
Bimpanga bia mikoko bia ku Nebayota+ nebikuenzele mudimu.
Nebilue pa tshioshelu tshianyi ne dianyishibua,+Ne nendengeje nzubu wanyi wa butumbi.*+
8 Mbanganyi aba badi bapapala bu matutu,Bu nyunyi ya nkutshi idi iya ku tuzubu tuayi?*
9 Bualu bidiila* nebitekemene mu meme;+Mazuwa a ku Tâshishi adi ku mutu kua mulongo,*Bua kulua ne bana bebe bafumina nabu kule,+Pamue ne arjan yabu ne or yabu,Ku dîna dia Yehowa Nzambi webe ne kudi Wa Tshijila wa Isalele,Bualu yeye neakutumbishe.*+
10 Bantu ba ku babende nebibake bimanu biebe,Ne bakalenge babu nebakuenzele mudimu,+Bualu mu tshiji tshianyi ngakakukuma,Kadi mu muoyo wanyi mulenga* nenkufuile luse.+
11 Biibi biebe nebikale buashi misangu yonso;+Kabakubikanga mu munya nansha butuku,Bua kulua ne biuma bia bisamba kuudi,Ne bakalenge babu nebikale bantunga mulongo.+
12 Bualu tshisamba tshionso ne bukalenge buonso buabenga kukuenzela mudimu nebujimine,Ne bisamba nebibutudibue butubutu.+
13 Butumbi bua Lebanona nebulue kuudi,+Mutshi wa jenevriye, mutshi wa frene, ne mutshi wa sipré popamue,+Bua kulengeja muaba wanyi munsantu;Nentumbishe muaba wa makasa anyi.+
14 Bana ba bantu bavua bakukengeshe nebalue, ne nebiname kumpala kuebe;Bonso badi bakuenzela malu ne dipetu badi ne bua kuinama ku makasa ebe,Ne nebakubikile ne: tshimenga tshia Yehowa,Siona wa Wa Tshijila wa Isalele.+
15 Pamutu pa wewe kuikala mulekela ne mukinyibue, kakuyi muntu upitshila munkatshi muebe,+Nenkuvuije mpokolo wa kudisua kua tshiendelele,Bualu bua kusankila mu bipungu bionso bia bantu.+
16 Wewe neunue bushuwa mabele a bisamba,+Newamue mabele a bakalenge;+Ne wewe neumanye bulelela ne: meme, Yehowa, ndi Mupandishi webe,Ne Wa Bukole wa Yakoba udi Mupikudi webe.+
17 Nendue ne or pa muaba wa tshiamu tshia mitaku,Ne pa muaba wa tshiamu tshifiike nendue ne arjan,Pa muaba wa dibaya nendue ne tshiamu tshia mitaku,Ne pa muaba wa mabue nendue ne tshiamu tshifiike;Ne nenteke ditalala bu batangidi bebeNe buakane bu bakupeshi ba midimu.+
18 Kabakumvua kabidi malu a tshikisu mu buloba buebe,Anyi kabutu ne dibutuka munda mua mikalu yebe.+
Ne neubikile bimanu biebe ne: Lupandu,+ ne biibi biebe ne: Butumbi.
19 Buebe wewe dîba kadiakuikala kabidi butoke mu munya to,Nansha dikenka dia ngondo kadiakukupesha butoke kabidi to,Bualu Yehowa neikale butoke bua tshiendelele kuudi,+Ne Nzambi webe neikale bulengele buebe.+
20 Dîba diebe kadiakubuela kabidi to,Nansha ngondo webe kakubuitshidila kabidi to,Bualu Yehowa neikale butoke bua tshiendelele kuudi,+Ne matuku ebe a madilu neikale mamane kujika.+
21 Kadi, bantu bebe bonso nebikale bakane;Nebapiane buloba bua kashidi.
Bobu badi lutonga lumvua mukune,Mudimu wa bianza bianyi,+ bua meme kulengejibua.+
22 Udi mukese nealue tshinunu
Ne udi mushadile nealue tshisamba tshia bukole.
Meme muine, Yehowa, nengendeshe bualu ebu lukasa mu tshikondo tshiabu.”
Note
^ Anyi “butoke bua lunkelu luebe.”
^ Ku mua.: “nebikubuikile.”
^ Anyi “nzubu wanyi wa bulengele.”
^ Anyi “ku masoso a nzubu wa nyunyi?”
^ Anyi “neakulengeje.”
^ Anyi “bu kumpala.”
^ Anyi “bisanga.”
^ Anyi “luse luanyi.”
