Yobo 21:1-34
21 Yobo wakandamuna ne:
2 “Telejayi bimpe tshindi ngamba;Bualu ebu buikale busambi bunudi nunsamba nabu.
3 Ikalayi nanyi lutulu pandi ngakula;Pangajikija kuakula, nunku nudi mua kunseka.+
4 Kudilakana kuanyi nkua ndilakena muntu anyi?
Bu biobi nanku, meme* tshivuaku mua kujimija lutulu anyi?
5 Ntangilayi, nushale balengame nukatshila;Tekayi tshianza tshienu ku mishiku yenu.
6 Pandi mbielela meji, ndi ndubakana,Ne mubidi wanyi wonso udi ukanka.
7 Bua tshinyi bantu babi badi bashala ne muoyo,+Bakulakaja, ne balua babanji?*+
8 Bana babu badi misangu yonso kumpala kuabu,Ne badi bafika too ne ku dimona tunkanunuina tuabu.
9 Nzubu yabu mmikubibue bimpe, kayiyi ne buôwa,+Ne Nzambi kena ubanyoka ne mulangala wende to.
10 Ngombe yabu milume idi imitshisha kayiyi ipangila;Ngombe yabu mikaji idi ilela, kayena itula mafu.
11 Bana babu ba balume badi banyema lubilu pambelu anu bu tshisumbu tshia mikoko,Ne bana babu balela badi batumpika.
12 Badi bimba misambu ne ngoma wa ku bianza ne lunzenze,Ne basanka ku muadi wa lushiba.+
13 Badi bapitshisha matuku abu ne disanka mundaNe badi bapueka mu Lukita* ne ditalala.*
14 Kadi badi bambila Nzambi mulelela ne: ‘Tulekela!
Katuena dijinga ne kumanya njila yebe to.+
15 Wa Bukole Buonso nnganyi bua tuetu kumuenzela mudimu?+
Tshituapeta ntshinyi tuetu mua kumanyangana nende?’+
16 Kadi ndi mumanye ne: dilubuluka diabu kadiena ku bukokeshi buabu to.+
Meji* a bantu babi adi kule nanyi.+
17 Mmisangu bungi kayi idibu bajime muendu wa bantu babi?+
Mmisangu bungi kayi idi tshipupu tshibakuata?
Mmisangu bungi kayi idi Nzambi ubatumina kabutu mu tshiji tshiende?
18 Badiku balua bu tshisonsa kumpala kua lupepeleNe bu tshisote tshidi tshipepele tshikole tshipepula anyi?
19 Nzambi nealame dinyoka dia muntu bua bana ba muntu au.
Kadi Nzambi amufute bua alue kumanya bualu ebu.+
20 Mêsu ende yeye amone dibutuka diende,Ne yeye ikale muntu udi unua tshiji tshikole tshia Wa Bukole Buonso.+
21 Nunku, ntshinyi tshidiye uditatshishila bua tshidi tshifikila nzubu wende panyima pendeBikalabu bipidije* bungi bua ngondo yende?+
22 Muntu udi mua kulongesha Nzambi dimanya,*+Padiye Yeye muikale eu udi ulumbuluisha too ne badi batambe kubandila anyi?+
23 Muntu kampanda udi ufua ne makanda ende onso+Padiye kayi ne bualu nansha bumue budi bumutonde, musombe talalaa,+
24 Padi bibelu biende biuwule ne mafutaNe mifuba yende mikale mikole.*
25 Kadi muntu mukuabu udi ufua ne kanyinganyinga kakole,*Kayi mulabulaku bintu bimpe musangu nansha umue.
26 Bonso nebalale mu lupuishi,+Ne bikusu* nebibamete buonso buabu.+
27 Monayi! Ndi mumanye bimpe meji anudi nuela,Ne ngenyi inudi nulukakaja bua kungenzela bibi.*+
28 Bualu nudi nuamba ne: ‘Nzubu wa muntu munene udi penyi?Ne ntenta uvua muntu mubi musombele udi penyi?’+
29 Kanuena bakonke bena ngendu anyi?
Kanuena nulonga bimpe bimpe malu akadibu bamone,*
30 Ne: batu bepula muntu mubi mu dituku dia tshipupu,Ne bamusungila mu dituku dia tshiji tshikole anyi?
31 Nnganyi wambangana nende bua njila wende?Ne nnganyi wamufuta bua malu adiye muenze?
32 Padibu baya nende ku nkita,Nebatshishile pa lukita luende balamapu.
33 Mabuwa a buloba a mu tshibandabanda* neikale mashême kudiye,+Ne bukua bantu buonso budi bumulonda,*+Bu bakamudianjidila bungi kabuyi kubala.
34 Nunku, bua tshinyi nudi nunsamba ne busambi bua patupu?+
Mu mandamuna enu kamuena tshintu tshikuabu to, anu mashimi!”
Note
^ Ku mua.: “nyuma wanyi.”
^ Anyi “bantu badi ne bukole.”
^ Anyi “mu katupa kîpi,” mmumue ne: lufu lua tshikoso ludi kaluyi lua dikenga.
^ Anyi “Mayele; Dilukakaja ngenyi.”
^ Anyi “bakose mu bitupa bibidi.”
^ Anyi “kulongesha Nzambi tshintu.”
^ Ku mua.: “buongo bua mifuba yende butshidi butalale.”
^ Anyi “ne anyima udi unyingalala bikole.”
^ Anyi “binya.”
^ Anyi pamuapa: “kungenzela malu ne tshikisu.”
^ Ku mua.: “bimanyinu.”
^ Anyi “kasulu ka tshilonda nkoka.”
^ Ku mua.: “Ne neakoke bukua bantu buonso panyima pende.”
