Yobo 8:1-22
8 Pashishe, Biledada+ muena Shuhi+ wakandamuna ne:
2 “Neutungunuke ne kuakula mushindu eu mutantshi bule kayi?+
Mêyi a mukana muebe adi anu tshipepele tshikole!
3 Nzambi neakonyangaje kulumbuluisha kuakane anyi?Peshi Wa Bukole Buonso neakonyangaje buakane anyi?
4 Bikala bana bebe bamuenzele mpekatu,Wakabalekela bapeshibua dinyoka bua ditomboka diabu;*
5 Kadi wewe mutekemene anu kudi Nzambi+Ne mulombe dianyishibua kudi Wa Bukole Buonso,
6 Ne wewe muikale bushuwa mukezuke ne muena bululame,+Yeye uvua mua kutuma ntema kuudi*Ne kukupingaja muaba webe udi mukuakanyine.
7 Nansha muvua tshibangidilu tshiebe tshikese,Nshikidilu webe uvua mua kuikala munene.+
8 Ebeja koku bantu ba tshipungu tshia kaleNe tuma ntema ku malu avua batatuabu bajingulule.+
9 Bualu tuvua baledibue anu makelela eu, ne katuena bamanye tshintu nansha tshimue,Bualu matuku etu pa buloba adi anu mundidimbi.
10 Bobu kabakukulongeshaNe kukuambilaku malu adibu bamanye anyi?*
11 Tshisonsa tshia nyandu* tshidiku mua kulepa muaba udi kawuyi tshisense anyi?
Dilenge didiku mua kulepa kakuyi mâyi anyi?
12 Patshididi dipatula mutu, kabayi banji kudiaka,Didi diuma kumpala kua tshikunyibua tshikuabu tshionso.
13 Etshi ke tshiafikila* bonso badi bapua Nzambi muoyo,Bualu ditekemena dia badibabenga Nzambi* nedijimine,
14 Bobu badi ditekemena diabu dikale patupu,Badi tshieyemenu tshiabu tshikale tshitekete anu bu buntatande* bua ntande.
15 Neeyemene ku nzubu wende, kadi nzubu kakushala muimane to;Neatete bua kushala mumukuate, kadi nzubu au kakunenga mutantshi to.
16 Yeye udi tshisonsa tshibishi munkatshi mua munya,Ne ntonga yende idi itangalaka mu budimi.+
17 Mu mushiki wa mabue kemudi miji yende mijingakene;Udi ukeba nzubu munkatshi mua mabue.*
18 Kadi padibu bamujula* muaba wende,Muaba au newumuvile, wamba ne: ‘Tshitu muanji kukumona to.’+
19 Eyowa, ke muajiminaye* nanku;+Pashishe bakuabu nebapatuke mu lupuishi.
20 Bulelela, Nzambi kakubenga bantu badi balama muoyo mutoke;*Anyi kukuatshisha* benji ba malu mabi to,
21 Bualu, yeye neikale anu mua kuwuja mukana muebe ne tusekuNe mishiku yebe ne mbila ya disanka.
22 Badi bakukine nebuwujibue tente ne bundu,Ne ntenta wa bantu babi kakuikalaku kabidi to.”
Note
^ Ku mua.: “Wakabatuma mu tshianza tshia ditomboka diabu.”
^ Anyi “kujuka bua bualu buebe.”
^ Ku mua.: “Ne kupatula mêyi mu mioyo yabu anyi?”
^ Anyi “papirise.”
^ Ku mua.: “Ke mudi njila ya.”
^ Anyi: “mutontolodi.”
^ Ku mua.: “nzubu.”
^ Anyi “Udi utangila ku nzubu wa mabue.”
^ Anyi “bamumina.”
^ Anyi “ke mudi njila wende uvingutuka.”
^ Anyi “badi kabayi mua kubandibua.”
^ Ku mua.: “Kukuata ku tshianza tshia.”
