Yehowa udi wangata mitshipu ya dibaka ne mushinga wa bungi. Wakamba ne: mulume ne mukaji badi ne bua kulamatangana bikole. (Mat 19:5, 6) Munkatshi mua batendeledi ba Yehowa mudi mabaka a tshitembu a bungi. Nansha nanku, kakutu dibaka dipuangane to. Bilumbu bitu anu bijuka mu dibaka dionso. Katuikadi ne mmuenenu wa malu wa bena panu wa ne: padi bilumbu bijuka, mbimpe kuabulukangana anyi kushipa dibaka nansha. Ntshinyi tshidi bena Kristo badi mu dibaka ne bua kuenza bua kukuba mabaka abu?

Mona malu atanu a mushinga a kuenza:

1. Kuba muoyo webe pa kubenga kuenza malu bu mudi dinaya ne majinga a bakuabu anyi dipitshisha kapepe ne malu a busenji; malu au atu atekesha dibaka.​—Mat 5:28; 2Pt 2:14.

2. Koleshayi bulunda buenu ne Nzambi, nukoleshe ne dijinga dienu dia kumusankisha mu dibaka dienu.​—Mis 97:10.

3. Tungunuka ne kuvuala bumuntu bupiabupia, wenzela muena diebe tumalu tulenga tudi mua kuenza bua adiumvue bimpe.​—Kls 3:8-10, 12-14.

4. Ikalayi nuyukila muyuki muimpe, ne kanemu.​—Kls 4:6.

5. Pesha muena dibaka nebe tshidi bu tshiende ne dinanga dionso.​—1Ko 7:3, 4; 10:24.

Padi bena Kristo banemeka dibaka diabu, badi banemeka Yehowa udi mudienze.

NUTANGILE FILME WA TUDI NE BUA ‘KUNYEMA NE DINANUKILA’: TUMIKILA MIKENJI YA DINAYA DIA LUBILU, PASHISHE NUANDAMUNE NKONKO EYI:

• Nansha dibaka diodi dituadije bimpe, nntatu kayi idi mua kumueneka?

• Mêyi manene a mu Bible adi mua kuambuluisha badi kabayi badiumvua banangibue mu mabaka abu mushindu kayi?

• Yehowa mmuele mikenji kayi bua dibaka?

• Ntshinyi tshidi bena dibaka ne bua kuenza bua dibaka diabu kuikaladi dia disanka?