Yehowa mmulongolole bantu bende lelu bua benze disua diende anu muvuaye mulongolole bena Isalele. Pa buloba bujima mmulongolole Betele, bijengu, bisumbu, ne tusumbu tua mudimu wa buambi bua bionso bitungunuje mudimu wa diyisha lumu luimpe. Tudi tuyisha bantu bonso, too ne badi bakula muakulu mushilangane ne wetu.​—Bua 14:6, 7.

Ukadi muelaku meji a kulonga muakulu mukuabu bua kuambuluisha muntu kampanda bua kumanya bulelela anyi? Nansha wewe kuyi ne dîba dia kulonga muakulu kampanda, udi mua kubuela mu programe wa JW Language bua kulonga nansha mushindu wa kutuadija muyuki ne bantu. Pawikala mutete mu buambi, pamuapa neumvue pebe disanka bu divua bena Kristo ba kumpala bumvue pavua bantu ba miaba mikuabu bakeme pakumvuabu bakula “malu mimpe menemene a Nzambi” mu miakulu yabu.​—Bz 2:7-11.

NUTANGILE FILME WA IKALA MULUNDA WA YEHOWA: KUYISHA MU MUAKULU MUENYI, PASHISHE NUANDAMUNE NKONKO EYI:

• Ndiba kayi diudi mua kuyisha ne programe wa JW Language?

• Ngamue malu kayi adimu?

• Bantu ba mu teritware wenu batu bakula miakulu kayi?

• Muntu udi wanyisha mukenji wa Bukalenge yeye wakula muakulu mukuabu, mbimpe wenze tshinyi?​—od-F 100-101 §39-41