Yehowa utu ukuangata ne mushinga wa bungi. (Yes 43:4) Mmukukoke kudiye mukubueje mu bulongolodi buende. Udi mulue muntu wa Yehowa bualu udi mudilambule kudiye ne mubatijibue. Neakutabalele bu tshintu tshiende tshia pa buatshi, nansha mu bikondo bikole. Neakuleje mudiye mukunange ne dinanga dia lulamatu ku diambuluisha dia bulongolodi buende.​—Mis 25:10.

Tuetu batangilule malu a mudi bulongolodi bua Yehowa buambuluishe bantu mu bipupu bidi bienzeke matuku mashale aa, nebitusake bua kuitaba bushuwa ne: Yehowa udi ne dinanga dia lulamatu.

NUTANGILE FILME WA LUAPOLO LUA KOMITE WA BALOMBODI LUA 2019, PASHISHE NUANDAMUNE NKONKO EYI:

• Mmushindu kayi udi Komite wa balombodi muleje Betele ya pa buloba bujima tshia kuenza padiku bipupu?

• Mmunyi muvua bulongolodi bua Yehowa bufile buludiki ne buambuluishe bana betu ba mu Indonésie ne Nigéria pavua bipupu bibakuate?

• Ntshinyi tshidi tshikukemeshe bua tshivua bulongolodi buenze bua ditua dia ntanga tshibua dia tshipupu tshia korona (COVID-19)?