Bua tshinyi nudi ne bua kudienzeja bua kuleja baledi benu malu anudi nawu patoke? (Nsu 23:26) Bualu Yehowa mmubapeshe mudimu wa kunutabalela ne kunuludika. (Mis 127:3, 4) Nuenu kanuyi nubambila malu enu onso adi anutonda, nebibakolele bua kunuambuluisha; ne nenupangile malu mimpe a mu dimonamona diabu dia malu. Kubenga kuamba amue malu etu nkubi anyi? Ki nkubi nangananga to, kadi wamanya, kuikadi muana udi ubashimakaja to.​—Nsu 3:32.

Mmunyi muudi mua kuyukila ne baledi bebe? Teta kukeba tshikondo tshidi tshimpe buebe wewe ne buabu buobu kabidi. Biobi bikukolele, udi mua kufundila umue wa kudibu mukanda bua kumuambila malu audi nawu. Kadi netuambe tshinyi bobu basue bua nuyukile nabu bua tshiena-bualu tshiudi kuyi musue? Ikala mumanye ne: badi ne dijinga dikole dia kukuambuluisha. Mona baledi bebe bu bena diebe, kubamonyi bu bena lukuna to. Didienzeja diebe bua kubambila malu onso patoke nedikuambuluishe mu nsombelu webe mujima, ne nedikupeteshe muoyo wa tshiendelele!​—Nsu 4:10-12.

NUTANGILE FILME WA NSONGA WA TSHITENDE: MMUMYI MUNDI MUA KUYUKILA NE BALEDI BANYI? PASHISHE NUANDAMUNE NKONKO EYI:

• Ntshinyi tshivua Esther ne Partik bafike ku dimona buabu buobu?

• Tshilejilu tshia Yezu tshidi tshikulongesha tshinyi?

• Mmushindu kayi udi baledi bebe bakutabalele?

• Mmêyi manene kayi a mu Bible avua mua kukuambuluisha bua kuyukila ne baledi bebe?