TUIKALAYI NE NSOMBELU WA BUENA KRISTO
Yehowa utu utuambuluisha mu ntatu
Tutu tutuilangana ne ntatu ya bungi matuku a ku nshikidilu atudi aa. Imue misangu, tudi mua kumvua anu bu ne: ntatu itudi nayi mmitupite bukole. Kadi, tuetu batungunuke anu ne kueyemena Yehowa bikole, neatuambuluishe bua kunanukila too ne mu ntatu idi yamba kututshibuila panshi. (Yes 43:2, 4) Mmunyi mutudi mua kusemena pabuipi ne Yehowa patudi mu ntatu?
Disambila. Patudi tuambila Yehowa yetu yonso idi mitutonda, udi utupesha ditalala ne bukole bua mu lungenyi bua kunanukila.—Flp 4:6, 7; 1Ts 5:17.
Bisangilu. Tudi dijinga ne bana betu ne malu a mu Bible atu Yehowa utupesha mu bisangilu bietu kupita kuonso eku. (Eb 10:24, 25) Tuetu tudilongolola bua kubuela mu bisangilu ne kuandamunamu, nyuma wa Yehowa neatuambuluisha bikole.—Bua 2:29.
Mudimu wa buambi. Tuetu tuenza tshionso tshidi tshikengela kuenza bua kuikala kuyisha, netutume meji ku malu mimpe. Netukoleshe kabidi bulunda buetu ne Yehowa ne bena Kristo netu.—1Ko 3:5-10.
NUTANGILE FILME WA YEHOWA NEAKUAKIDILE KUENDE, PASHISHE NUANDAMUNE NKONKO EYI:
-
Ntshinyi tshivua tshiambuluisha Malu bua kushala pabuipi ne Yehowa pavuaye mu ntatu?
-
Mmunyi mudi mêyi adi mu Misambu 34:18 mua kutukolesha patudi mu ntatu anu muvuawu makoleshe Malu?
-
Mmunyi mudi bualu buvua bufikile Malu buleja ne: Yehowa utu utupesha “bukole budi bupite bua pa tshibidilu” patudi tutuilangana ne ntatu?—2Ko 4:7
