Lumingu lua dia 19-25/2
MISAMBU 8-10
Musambu 2 ne disambila | Mêyi a mbangilu (Mun. 1)
1. “Nenkutumbishe, Yehowa wanyi”
(Min. 10)
Yehowa mmuimpe bikole kutudi (Mis 8:3-6; w21.08 3 §6)
Tutu tutumbisha Yehowa ne disanka dionso patutu tuya kuambila bakuabu midimu yende ya kukema (Mis 9:1; w20.05 23 §10)
Tutu kabidi tumutumbisha patutu tumuimbila misambu ne muoyo mujima (Mis 9:2; w22.04 7 §13)
DIEBEJA NE: ‘Ndi mua kutumbisha Yehowa mushindu kayi mukuabu?’
2. Bubanji bua mu Dîyi dia Nzambi
(Min. 10)
-
Mis 8:3: Ntshinyi tshivua mufundi wa misambu usua kuamba pavuaye muakule bua bianza bia Nzambi (anyi minu; tangila dimanyisha)? (it-1-F 663)
-
Mbubanji kayi bua mu Dîyi dia Nzambi buudi mupete mu dibala dia Bible dia lumingu elu?
3. Dibala dia Bible
(Min. 4) Mis 10:1-18 (th dilonga dia 11)
4. Mua kubanga kuyukila ne muntu
(Min. 3) KU NZUBU NE KU NZUBU. Muena kumbelu udi ukuambila ne: katu witabuja Nzambi to. (lmd dilongesha 5 kamutu ka bualu 4)
5. Dipinganyina muntu
(Min. 4) PADI MPUNGA UMUENEKA. Muntu unuvua bayukile nende musangu mushale uvua mukuambile ne: katu witabuja Nzambi to, kadi mmusue kumona bijadiki bia ne: kudi Mufuki. (th dilonga dia 7)
6. Muyuki
(Min. 5) w21.06 6-7 §15-18—Tshiena-bualu: Ambuluisha mulongi webe wa Bible bua atumbishe Yehowa. (th dilonga dia 10)
Musambu wa 10
7. Mua kuakula bu pa tshibidilu paudi uyisha padi mpunga umueneka
(Min. 10) Diyukidilangana.
Mushindu mukuabu utudi mua kutumbisha Yehowa bikole ngua kuyisha bantu batudi tutuilangana nabu miaba itutu tuya. (Mis 35:28) Pamuapa tudi mua kuanji kumvua kabuôwa bua kuyisha padi mpunga umueneka. Kadi patudi tumanya mua kutuadija miyuki ne bantu ne kutungunuka nayi mu mushindu mupepele, netuyipepeje ne nebitusankishe bikole!
Ela FILME wa Ikala mudilongolole bua kuamba “lumu luimpe lua ditalala”—Tuadija wewe. Pashishe webeje bateleji ne:
Ndilongesha kayi diudi mupete mu filme eu didi mua kukuambuluisha bua kupiluka mu mudimu wa kuyisha padi mpunga umueneka?
Ngenyi mikese idi mua kukuambuluisha bua kutuadija muyuki ne muntu nyoyi eyi:
-
Keba mushindu wa kutuadija miyuki ne bantu dîba dionso diudi upatuka lubanza. Sambila, ulombe Yehowa bua upete bantu badi basue kuteleja
-
Dienza mulunda wa bantu baudi utuilangana nabu, uleje muudi ubatabalela. Keba bua kumanya tumalu tua muntu tudi mua kukuambuluisha bua kumanya mvese uudi mua kumupesha udi mua kulenga muoyo wende
-
Biobi biakanyine, ukebe mushindu wa kuangata nimero yabu ya telefone
-
Muyuki wenu wowu mujike kuyi mupete mpunga wa kuyisha muntu, kabikutondi to
-
Nuenu bamane kuyukila ne muntu, ushale mulame bualu buende mu mutu. Tungunuka ne kuleja muudi umutabalela, umutumine kajila bua apete mvese anyi tshiena-bualu tshia mu jw.org
Tetabi kuenza nunku: Muntu yeye mukuebeja ne: ‘Malu adi munyi matuku aa?,’ muambila bualu butudi balonge mu bisangilu anyi bua mudimu uudi wenza wa kulongeshangana Bible.
8. Majinga a tshisumbu
(Min. 5)
9. Dilonga dia Bible dia tshisumbu
(Min. 30) bt nshap. 6 §1-8 ne mêyi a mbangilu a tshitupa 2
