TUIKALAYI NE NSOMBELU WA BUENA KRISTO
Tshia kuenza bua kufila mandamuna mimpe
Mandamuna mimpe atu akolesha bena mu tshisumbu. (Lom 14:19) Adi kabidi ambuluisha badi baafila. (Nsu 15:23, 28) Ke bualu kayi mbimpe tudienzeje bua kufila diandamuna nansha dimue mu tshisangilu tshionso. Bushuwa, kabakutusungula bua kuandamuna dîba dionso ditudi tujula tshianza kuulu to. Nunku mbimpe tulongolole mandamuna a bungi.
Diandamuna dimpe:
-
didi dipepele, diumvuika bimpe, ne dikale mu tshikoso. Misangu ya bungi, mbimpe kuandamuna mu sekonde 30 anyi mikese
-
ndimpe menemene padidi difila mu mêyi ebe nkayebe
-
ki ndiambulula tshianana tshianana malu akadi bakuabu bambe
Buobu bakusungule wa kumpala padibu bela lukonko:
-
fila diandamuna dipepele anu dia lukonko buludiludi
Muanetu mukuabu yeye mumane kuandamuna lukonko alu, udi pebe mua:
-
kuleja mudi mvese kampanda udimu upetangana ne bualu butudi tukonkonona
-
kuleja mudi malu au atuambuluisha mu nsombelu wetu
-
kumvuija mutudi mua kutumikila malu au
-
kulonda mu tshikoso bualu bumonamona bua kushindika lungenyi lunene kampanda
